Суппозиторийлік негіздер арнайы талаптарға сай болуы керек: - негіздер дене температурасында балқуы немесе еруі;
- бөлме температурасында қатты болуы;
- фармакологиялық индифференті болуы;
- химиялық индифференті, яғни дәрілік заттармен химиялық байланысқа түспеуі;
- дәрілік заттармен сыйымды болуы;
- қатты күйден сұйық күйге тез ауысуы;
- деформациялану уақыты 3 тен 15 минутқа дейінгі аралықта болуы;
- сыртқы факторлардың (ауа, жарық, ылғал, микроорганизмдер) әсеріне тұрақты болуы.
Гидрофобты негіздерге : майлар және май тәрізді заттар, олардың эмульгаторлармен және
табиғи көмірсутекті заттармен балқымалары жатады. Классикалық негіз ретінде какао майы
қолданылады. 1. Какао майы (Oleum Cacao seu Butyrum Cacao) - шоколад ағашының ұрығынан
алынатын тығыз консистенциялы өсімдік майы. Алғашқы рет какао майын 1766 жылы француз
фармацевті Антуан Бом қолданды. Бөлме температурасында - какао майы ашық сары түсті,
әлсіз какао иісті және тәтті дәмді. Балқу температурасы 30-34 0С. Егер рецептіде негіз
көрсетілмесе, какао майы қолданылады, ол индифферентті, көптеген дәрілік заттармен жақсы
араласатын, пластикалық масса.
Гидрофильді негіздер: желатинді-глицеринді, сабынды-глицеринді, полиэтиленоксидтер
(ПЭО). Желатин-глицеринді (Massae gelatinosa) негіздің официналды жазылым құрамы: 1 бөлік
желатин, 2 бөлік су, 5 бөлік глицерин. Негізді дайындау желатин ерітінділерін дайындаудың
технологиялық сатыларын есепке алумен жүргізіледі. Негіз оңай қататын серпімді масса, бұл
негіз суппозиторийлерді қалыпқа құю әдісімен дайындағанда қолданылады. Негізді дайындау.
Майдаланған желатинді бөлме температурасындағы тазартылған сумен құйып, 30-40 минутқа
ісінуге қалдырады. Уақыт өткен соң глицеринді қосып, біртекті масса алынғанша қыздырады.
Дайын негізден 8,0 г алынуы керек.
18
.
