Қосымша агглютиногендер мен агглютининдер

1. топқа жататын қанның агглютиногені «О» мен белгіленеді. Бұл эритроциттерде А мен В агглютиногендері жоқ деген сөз.Бұлар болмағанымен I топты қанда басқа агглютиноген болуы мүмкін. Өйткені агглютиногендердің (А, В, О) қайсысы болса да тұқым қуалайтын биологиялық белгілер. Сондықтан онда А не В агглютиногені болмағанымен басқа белоктық зат болу керек деген болжам айтылады.

2. А агглютиногеннің А1, А2, Аз… деп белгіленетін бірнеше түрі болады, Бұлардың А агглютиногенге қарағанда альфа агглютининімен байланысы әлсіздеу келеді. Сондықтан қан тобын анықтарда күші әртүрлі қан сарысуын қолданған жөн. Қан сарысуы әлсіз болса, А ағглютиноген түрілерінің бар екенін байқамай топтағы қанды I топ деп оған топтағы қан құйып, шатастыруға болады.

3. Қанда басқа да М, N, SP, Лютеран, Қелл, Льюнс, Даффи,Қидд, Диего агглютининдері табылған. Осыған қарай қан топтары да өзгереді. Бұл бір адамға бірнеше рет қан құйған кезде ескеріледі. Ландштейнер әр адамның өз тобы болуы керек депесептейді.

4. А ВО жүйесінің агглютиногендерінен басқа адамдарда резус факторы агглютиногені жиі кездеседі (85-86%). Қаннын резус факторын анықтаудың дәрігерлік жұмыста өте үлкен мәні бар, өйткені оны анықтамастан қан құюға болмайды.

Адам қанында Rh - агглютиноген алғашқы рет mаcаcus rhesus атты маймылдың қанынан табылған, сондықтан да оны Rh (резус) әрпімен белгілейді. Осы маймылдың қанын қоянға құйса, қоян денесінде маймылдың агглютиногеніне (Rh) қарсы антидене - антирезусагглютинин пайда болады.