А. Мұрат, М. Қалқаманұлы Қылмыстық-атқару қҰҚЫҒЫ кестелердегі оқу құралы Қостанай, 2022 жыл
жүктеу/скачать 0,72 Mb. Pdf көрінісі
|
|
КІРІСПЕ Қазақстан Республикасының демократиялық, құқықтық және әлеуметтік мемлекет ретінде қалыптасуы, экономика мен саясаттағы өзгерістер қоғам өмірінде жаһандық өзгерістерге алып келеді. Сонымен бірге, жалпы алғанда оң өзгерістер теріс құбылыстармен бірге жүреді, бұл, атап айтқанда, қылмыстық іс- әрекеттердің өсуін, олардың құрылымы мен динамикасындағы сапалы өзгеруі. Заңдылық пен құқықтық тәртіпті нығайтудың практика- лық міндеттерін шешуде қылмыстық және қылмыстық іс жүргізу құқығымен қатар құқық бұзушылықтың неғұрлым қауіпті түрлерімен күресті қамтамасыз ету құқығы танылған біздің мемлекетіміздің құқықтық жүйесінің элементі ретінде қылмыстық-атқару құқығына елеулі рөл тиесілі. Жаза-мемлекеттің қолындағы маңызды объектілерді: жеке тұлғаны, оның құқықтарын, бостандықтарын, заңды мүдделерін, меншікті, қоғамдық тәртіп пен қауіпсіздікті, қоршаған ортаны, конституциялық құрылысты және еліміздің аумақтық тұтасты- ғын қорғаудың маңызды құралы. Ол қылмыстық жауапкерші- лікті іске асырудың басты нысаны және қылмыстық құқық бұзушылықтардың алдын алу шараларының бірі болып табылады. Қылмыстық жазаларды және қылмыстық-құқықтық ықпал етудің өзге де шараларын мұқият және нәтижелі ұйымдасқан түрде орындау, сайып келгенде, әлеуметтік әділеттілікті қалпына келтіруге, сотталған адамды түзеуге, сотталғандардың да, өзге адамдардың да жаңа қылмыстық құқық бұзушылықтар жасауының алдын алуға тиіс. Аталған оқу құралының мақсаты - жаңа редакцияларда Қылмыстық, Қылмыстық процесстік және қылмыстық-атқару кодекстерін қабылдауға байланысты қазіргі уақытта Қазақстан Республикасында қалыптасқан әлеуметтік-құқықтық жағдайлар- да «Қазақстан Республикасының Қылмыстық-атқару құқығы» курсын оқытуды қамтамасыз ету. Ұсынылып отырған оқу құралында аталған курстың оқу 5 пәні ретіндегі құрылымына сәйкес келетін «Қазақстан Республи- касының Қылмыстық-атқару жүйесі» курсының негізгі мәселе- лерін көрсететін сызбалар, анықтамалар мен түсініктемелер берілген. Оқу құралын дайындау кезінде авторлар Қазақстан Республикасы Конституциясының, қолданыстағы қылмыстық, қылмыстық іс жүргізу және қылмыстық-атқару заңнамасының, адам құқықтары мен сотталғандармен қарым-қатынас жөніндегі халықаралық актілердің ережелеріне, заңгер-ғалымдардың ғылыми зерттеулерінің нәтижелеріне сүйенді. |