73
Айтыс II том
Қалбаның қалың дейді қарағанын,
Бесті атың сұлу дейді жарағаның.
Сыйласып, дос құшақпен жолығысайық,
Ағатай, менен бар ма қалағаның?
Ноғайбай:
Аққайран су ішінде тоңбайды екен,
Жүзгенде ол да қанат қомдайды екен.
Өмірде ащы да бар, тұщы да бар,
Жалғанның жарығындай болмайды екен.
Айбала, асыл жансың білдім танып,
Көрмесем де сындарлы жүзіңді анық.
Қалаудың қадірлісі – ұмытпағын,
Жүргейсің есімімді есіңе алып.
Айбала:
Үміттің самал желі есе берсе,
Жан біткен жақсылыққа жете берсе.
Оралмас өткен істің керегі не,
Аңсатып, арман алға жетелесе.
Дүниеде адам аз ба жүрген жүдеп?
Сонда да талпынамыз өмір тілеп.
Тағдырдың тәлкегіне берілмейтін,
Ағатай, Сізде емес пе үлкен жүрек?!
Достарыңызбен бөлісу: 
