Мәтінді мұқият 2 рет тыңдап, кестедегі ақпараттардың дұрыс немесе бұрыс екенін белгілеңіз. Мәтіндегі нақты ақпараттардың төртеуін кластер сызбасы арқылы көрсетіңіз.
Ұлы Жібек жолы – біздің дәуірімізге дейінгі ІІ ғасырдан бастап, ХVІ ғасырға дейін қолданылған сауда жолы. Ол Қытайдың Хан патшалығы кезінде ғана дами бастаған. Қытайдың атақты жібегі осы жолмен тасымалданған. Соның құрметіне ол Жібек жолы деп аталған. Бұл жол Қытайдың орталығынан басталған. Ол қазақтың кең даласындағы ірі сауда орталықтарын басып өтіп, Самарқанд, Бағдад қалалары арқылы Жерорта теңізіне дейін созылып жатты. Оның жалпы ұзындығы 7 мың шақырымға жетті.
Жібек жолы әртүрлі елдердің арасында экономикалық және мәдени қарым-қатынастардың дамуына ықпал етті. Мысалы, ертедегі Тараз қаласында мыстан жасалған тұрмыстық бұйымдар мен қару-жарақтар, киім-кешек пен ер-тұрмандар сатылған. Ал Отырар қаласында саудамен қатар үлкен кітапханалар салынып, мәдениет пен білім және ғылым салалары өте жоғары дамыды.
Қазақстанды Алтай, Моңғолия, Ресей, Орта Азия, Шығыс елдерімен байланыстырған. Қазір осы Жібек жолы өтетін елдер мен қалалар арасында сауда байланыстары қайта қалпына келтірілуде. Қазақстан Республикасы Жібек жолының дамуына көп үлес қосуда. Жібек жолы нарық экономикасы үшін бірден-бір сауда көзі болып табылады.
Ақпараттар
+ дұрыс
бұрыс
Қытай жібегі Ұлы Жібек жолы арқылы саудаланған.
+
Жібек жолы елдер арасында тек сауда қатынасын дамытты.
