4
АЛҒЫ СӨЗ
Қазақ тілі – өмірдің сан саласында қолданылуға əлеуеті əбден жететін түркілік
түбірін сақтаған сөздік қоры жағынан əлемдегі ең бай, саламатты əрі жаңғырған
тілдердің бірі. Ұлтымыздың ұлы қазынасын тіліміз арқылы ұрпақтан ұрпаққа
жеткізіп отыру – кез келген қоғам үшін парыз. Бұл – білім беру жүйесінің басты
мақсаты.
Тілде сақталған ұшан-теңіз білімдер жүйесіне болашақ қазақстандықтардың
барлығы дерлік қол жеткізе алуы үшін алдымен оларды
кез келген қоғамдық ор-
тада жаппай мемлекеттік тілде сөйлеуге баулуымыз керек. Ол үшін еліміздегі
қазақтілді емес мектеп оқушыларына тілді үйретуді жалпы қолданыстағы белсенді
сөздерден бастаған абзал. Мұндай сөздер сөйлеушінің діттеген ойын жеткізуге,
орындатуға, сəтті тілдік қарым-қатынас орнатуға көмегін тигізеді.
Қолдарыңызға ұстап отырған «Жалпы білім берудегі қазақ тілінің жиілік
сөздігі» – мемлекеттік тіліміздің оқу-əдістемелік жүйесінің
тілтанымдық базасын
жаңғыртуға, тілді оқыту үдерісінің тиімділігін арттыруға, оқулық, оқу кешендері
мен құралдарының тілдік материалын жүйелеуге, оларды заманауи талапқа сай
құрастыруға септігін тигізетін бірегей басылым.
Қазақстан Республикасы Тəуелсіздігінің 25 жылдық мерейтойына сөздікті
құрастырушы ғалымдар мен тіл мамандарының жасаған
тартуы болып отырған
бұл еңбек тілді үйренуші жəне тілді үйретуші барша қауымның игілігіне жарайды
деп білеміз.
Достарыңызбен бөлісу: 
