| Қан топтары. Адамдар мен жануарлар қанында бір-бірімен өзара байланысты екі зат кездеседі. Оның бірі эритроциттер құрамына кіретін А және В агглютиногендер, ал екіншісі – қан плазмасында кездесетін α және β агглютининдер. Олардың қанда болу-болмауына байланысты қан топтарға бөлінеді. Қан тобын білу – қан құю кезінде маңызды рөл атқарады.
Құстар қан топтарының өзіндік ерекшеліктері бар. Тауық қаны плазмасында агглютининдердің болмауымен байланысты, қан топтары агглютиногендер сипаты бойынша анықталады. Тауықтардың эритроциттерінде өзіндік қасиеттерімен ерекшеленетін 63 түрлі агглютиногендер табылған. Олар 14 жүйеге біріктіріліп, латын әріптерімен белгіленеді. Оның ішінде цитохимиялық және генетикалық белгілермен ерекшеленетін 9 жүйенің антигендері көбірек зерттелген. А жүйесі құрамына 9 антиген кіреді, В жүйесіне – 21, С жүйесіне – 4 және т.с.с.
Достарыңызбен бөлісу: |
