Кеа тотықұсының денесі қарғадан сәл ғана үлкен. Олар топ-топ болып Жаңа Зеландияның тауларын орман белдеуінен жоғары жерлерді мекендейді. Ұяларын дауылдардан сенімді қорғайды, олардың әрқайсысында 4 жұмыртқадан болады. Олардың тобындағы бір не екі тотықұстың қойларға шабуыл жасайтыны бар, бұл кеаның атын әлемге жайған бір мінезі. Тотықұс ойламаған жерден қойдың арқасына қона кетеді. Қой оны сілкіп жібереді, ол қайта қонады. Сөйтіп, кеа қой әбден сілесі қатып құлағанша оның үстіне қайта-қайта қонады. Жемтікті бүкіл тобырымен бірге жейді. Дегенмен, кеа негізінен насекомдармен, құрттармен, жемістермен қоректенеді.
