Виргиндік қызыл кардинал. Солтүстік Американың оңтүстік ормандарында тіршілік етеді. Оның тұмсығы жуа, жалпақ болады. Тұмсығы маңдай тұсынан жұмырланып басталады. Ол дәндермен, жемістермен қоректенеді. Қалың қопаларды мекендейді, онда жасырылса, табу да қиын. Тек оның ашық естілетін даусынан ғана сол маңайда екенін білуге болады. Олар жұптасып ұя салады. Ұясын ағаш сабақтарынан, бұталарынан әдемілеп өріп, астына мамық нәрселер төсейді.
Калифорнияның айдарлы бөденесі-солтүстік Американың оңтүстік-батысындағы ашық жерлердегі қалың бұталы қопаларды, сирек ағашты алаңқайларды мекендейді. Жерде жүргенде мойнын алға созып, арқасын бүкшитіп алып жейтін шөбін, жидектерін, насекомдарды топырақ астынан теуіп шығарып іздейді. Ағашқа сирек қонады. Егер үрке қалса, тез жүгіреді, кейде біршама жерге қалықтап та ұшады. Ұя жасау үшін ұрғашысы жерден шұңқыр қазып, құрғақ шөп төсейді. Балапандар мамыққа бөленіп туады. Тез өседі. Бір айда-ақ олар жан-жаққа тарап кетеді.
