Тауыққаз-денесі ірі, салмағы ауыр құс. Ол тек Австралия мен Тасмания аралында тіршілік етеді. Оның тұмсығының ұшы тауықтыкі секілді төменге қарай имиіп тұрады. Сирағы ұзын. Саусақтары қысқа, ал саусақ ұшында ұзын тырнақтары бар. Саусақ арасындағы жарғақтары қаздардікі секілді тұтасып жатқан жоқ, олардың арасы алшақ болып тұрады.
Қызғылт какаду-қарға пішіндес ірі тотықұс. Бұл құстың мекені-эвкалипті орман. Олар топтанып тіршілік етеді. Жұбымен мәңгілік бірге болады. Ұясын ағаш қуыстарына салады. Қызғылт какадудың басқа тотықұстардан ерекшелігі, ол ұясына мамық болу үшін жапырақ төсейді. Ұяға 5 жұмыртқадан салады. Какаду бұтадан бұтаға өрмелегенде, өзінің қармақ секілді өткір тұмсығын үшінші аяқ орнына шебер пайдаланады. Бір аяғымен бұтаға ілініп тұрып, екінші аяғымен аузына тамағын сала алады. Шөппен, өсімдік дәндерімен қоректенеді, оларды тұмсығымен шоқып жейді. Торда өмір сүре алады, артына ұрпақ қалдырады.
