Қайқы қылыш – үш түрлі: басы жатаған, орташа қайқы және өте қайқы. Қылыш басы қайқы болған сайын кескіштігі өткір, күшті.
Атпа – жеңіл, қысқа қылыш.
Аспаһан – Аспаһан қаласында жасалған қылыш.
Жалаңқат– жалаң байланатын қылыш.
Селебе – ұшы үшкір, өткір қылыш.
Ақинақ – қоян-қолтық ұрыста қолданылатын қысқа семсер.
Семсер – қылыштың екі жүзді түзу түрі. Бүктемелісі де болады.
Сапы – қылыштың бір жүзді түрі.
Ақ алмас – болаттан жасалған мықты, өткір қару.
Наркескен – парсының исфахан қылышының қазақша атауы.
Зұлпықар – болаттан соғылған Әли халифаның аса қадірлі асыл қылышы.
Қылыш бөліктерінің атауы: Сабы (Жазылы)– қолға ұстайтын бөлігі.
Бұлдірге – қолға цип жүру үшін қылыштың сабына тағылған жіп.
Алқым – қылыштың түзу бөлігі.
Басы – кесуге қолданатын бөлігі.
Жүзі – кесетін жері.
Сырты – жүзінің қарсы жағы.
Жебе – түйрейтін жері, ұшы.
Жете – қылыштың сапқа кіргізілетін бөлігі.
Балдақ – ұстаған қолдың тіреліп тұратын темірі.
Жалман– қылыш басының жалпайыңқы, сырт жағының шығыңқы келуі.
Айбалта – ұзын сапты, өткір жүзді, жарты Ай бейнелі қару, кесу құралы. Толғамалы ала балта, жалманы қарыс балта аталатын түрлері бар.
Ақ балта– ақ түсті болаттан, алмастан соғылған, сабы ақ күміспен қапталған айбалта секілді өткір қару.
Шоқпар – соғу құралы. Бір басы дөңкиіп жұмыр жасалған ағаш қару. Жасалу материалына қарай: жез шоқпарж, шойын шоқпар, тас шоқпар, ағаш шоқпар; салмағына сәйкес: батпан шоқпар, он екі батпан шоқпар аталады.
Бүздыған– басы алты не сегіз қырлы жеңіл темір шоқпар.
Бос мойын – шоқпардың бір түрі.
Күрсі, гүрзі – жұмыр басы темірден жасалған шоқпар.
Сақетер – шынжыр тәрізді көне қару, шоқпардың бір түрі.
