4.3.4.1 Мұғалімнің қолдауымен мәтін мазмұнын және кейіпкердің іс- әрекетін бағалауға бағытталған сұрақтар (Неліктен? Не үшін?) құрастыру және оған жауап беру
4.2.1.1 Берілген сөздерге қарама-қарсы мағыналы, мағыналас сөздерді табу
және сөйлеу барысында қолдану
Мұғалім тарапынан берілетін алғашқы тапсырма сабаққа кіріспе ретінде қолданылады. Біріншіден, оқушыларға тақырыптың не жөнінде болатынын білдірсе, екіншіден оқушылардың сабаққа деген ынтасын, қызығушылығын арттыруға негізделеді. Мұғалім
«Миға шабуыл» әдісімен оқушыларға интерактивті тақтадан
«Мақта қыз бен мысық», «Бауырсақ» ертегісіне қатысты суреттерді көрсетеді. Оқушылар бұл ертегілермен бұрыннан таныс болғандықтан, «Бұл – ертегі», – деп бірден жауап береді. Мұғалім әр топқа «ертегі» сөзіне ассоциация құруға тапсырма береді. Оқушылар өз білгендері бойынша жауап береді.
