Қазақстан мұсылмандары діни басқармасының cараптау комиссиясы мақұлдаған
жүктеу/скачать 1,76 Mb. Pdf көрінісі
|
Пайғамбарлар тарихы (Қалмақан Сейтұлы)
| Хауарилар
Бір деректе хазірет Исаға бар-жоғы он екі адам ғана ергені айтылады. Құран осы кісілерді «Хауари» деп атайды [362] . Хауари сөзі «ақ», «ізгі» жəне «дос» деген мағынаға саяды. Пайғамбарымыз (саллаллаһу алəйһи уə сəллəм) хазірет Зүбəйір ибн Əууам туралы: «Əр пайғамбардың хауариы болады. Менің хауариым – Зүбəйір», – дейді [363] . Иса пайғамбардың хауарилары өзіне аса сенімді һəм берік жандар еді. Хақ пайғамбар оларды жан-жаққа жіберу арқылы халықты дінге шақырып отырған. Бірде хауарилар хазірет Исадан: «Уа, Мəриямұлы Иса! Раббың бізге көктен бір дастарқан түсіре ала ма?» – деп сұрайды. Бұл, əлбеттте, хауарилардың жаңадан иман келтірген кездері болатын. Əр мұғжиза олар үшін өте қызық еді. Хақ пайғамбар оларға: «Егер шынайы мұсылман болсаңдар, Аллаһтан қорқыңдар. Мұндай нəрсені əсте талап етуші болмаңдар. Өйткені мұндай талаптар Хақ тағаланың құдіретіне жəне менің пайғамбарлығыма күмəн келтіру болып есептеледі», – дейді. Сонда хауарилар: «Жо-жоқ, біз де əсте ондай ниет те, ой да жоқ. Біз бар болғаны сол дастарқаннан дəм татқымыз келді. Сонда жүрегіміздегі иман берік болып, сенің айтқандарыңа терең сенеміз», – деп жауап береді. Хақ пайғамбар олардың шынайы ниеттерін аңғарып қатты қуанып, Хақ тағаладан осыны тілеуге шешім қабылдады. Ол қолын жайып: «Я, Раббымыз! Бізге аспаннан дастарқан түсір! Бұрынғы, соңғымызға мереке əрі Сенен бір белгі болсын. Бізді ризықтандыр! Сен ризықтандырушылардың ең жақсысысың» [364] , – деп дұға етеді. Хақ тағала: «Күдіксіз, Мен сол дастарқанды əлбетте түсіремін. Егер осыдан кейін сендерден кім қарсы келсе, шынайы түрде Мен оны дүниеде ешкімді азаптамаған азаппен азаптаймын» [365] , – дейді. Бір деректе дастарқанның түскен күні жексенбі күні еді дейді. Дастарқан түрлі нығметтерге толы болды. Хауарилар осы нығметті тойғанша жеп, шүкіршілік білдірді. Кейіннен осы күнді хауарилар мереке күні етіп жариялайды [366] . жүктеу/скачать 1,76 Mb. Достарыңызбен бөлісу:
|