Жас ерекшелігі әртүрлі қағидасы бойынша жас топтарының толықтырылуы

Мектепке дейінгі жастың барлық кезеңінде балалар әрекеттерінің негізгі түрлері:

• 
  ойын – әртүрлі ойындар арқылы балалардың қоршаған әлемді тану қабілеті мен күнделікті әрекетін ұйымдастыру. Ойын түрлері: дидактикалық, қимылды, музыкалық, театрландырылған, сюжетті-рөлдік, драма ойындары және т.б.;
  
• 
  қимылдық – баланың әртүрлі қимыл белсенділігінің түрлері мен мазмұнын тиімді үйлестіру;
  
• 
  коммуникативтік – түрлі нысандарды (әңгімелесу, жағдаяттар құру, сөйлесу, сюжеттік ойындар және т.б.) қолдана отырып, балалардың сөйлеуін дамыту;
  
• 
  еңбек – өзіне-өзі қызмет ету, табиғаттағы еңбек, қол еңбегі, ересектердің еңбегін бақылау; ойындарға арналған заттарды дайындау, макеттер жасау, коллекциялар және оларды безендіру, мерекелерде топ бөлмелеріне арналған әшекейлер дайындау;
  
• 
  танымдық-зерттеушілік - айналаны танып білу және жаңа білімді меңгеру;
  
• 
  бейнелеу әрекеті – сурет салу, мүсіндеу, жапсыру, құрастыру және т. б.
  
• 
  музыкалық-көркемдік – музыкалық аспаптарда ойнау, ән салу, тыңдау, қосылып айту, суырып салмалық өнер, ырғақты музыкалық қимылдар;
  
• 
  педагогтің шығарманы оқуы – тыңдау, түсіну, әңгімелеп беру өлеңдер мен тақпақтарды мәнерлеп оқу, иллюстрацияны қарау, әртүрлі жанрдағы шығармаларды талқылау;
  
• 
  мультфильмдерді, бейнефильмдерді, телебағдарламаларды қарау және талқылау;
  
• 
  өсімдіктер мен жануарларды бақылау барысында заттық және сюжеттік картиналар қарастыру және әңгімелер құрастыру;
  
• 
  жағдаяттар құру, әлеуметтік-адамгершілік мазмұнда әңгімелесу, қызықты деректер мен оқиғалар туралы арнайы әңгімелер құрастыру;
  
• 
  билер, музыкалық-ырғақтық би қимылдарын көрсету, халықтық әуендерге бірігіп би шығару, қосылып ән шырқау болып табылады.