Бір тойдан кейінгі ой
Шақырылдық тойға, тойладық,
Той қалай өтті, не ойладық?
Әркім қалса өз-өзімен,
Той қалмай ма өз жайымен.
Ащы суға тойып алған соң,
Үй иесі қалды малтығып.
Бір-бірімен қылжыраңдаған соң,
Қонақтар кетті ауа жайылып.
Екі құрдас отыр «қақтығысып»,
Бірін-бірі тұқыртпақ оймен.
Өзара талас, қағытпа сөздер,
Қатысы жоқтай ешкімнің тоймен.
Ілді де шалды, бір-бірін сөзбен,
Ыржақтаған жандар, өтірік күлген.
Осындай «әзіл» кімге осы қажет?
Дәм-тұзы жоқ, қытыққа тиген.
Не жақсылық бар осындай тойда?
Жаздым мақсатпен жүрсін деп ойда.
Жаман әдеттен жиренсек егер,
Өркениет ауылына жетер ек сонда.
Нағашы апам Рыстың 60 жылдық мерейтойына және Өртбай атам екеуіңіздің шаңырақ көтергендеріңізге 40 жылға толуына
Арнау-тілек
Болып тұр бүгін үлкен той,
Алпысқа толды апамыз.
Қырық жыл бопты сізбенен,
Отау құрғалы атамыз.
Сіздерден өрбіді сан ұрпақ,
Жайқалып өскен бірлікте.
Апам бейне бал бұлақ,
Нәр берген бізге тірлікте.
Атам болса асқар тау,
Еңсесі биік жарасқан.
Бауырында өсіп келеміз,
Тай-құлындай жарысқан.
Атам айдың шуағы,
Аспаннан төккен жарығын.
Апам бейне күн нұры,
Жанымызға құйған жылуын.
Сіздерге арнап бүгін біз,
Ән айтып, би билейміз.
Бар жақсылығын өмірдің,
Пәк көңілімізбен тілейміз.
Достарыңызбен бөлісу: |
