Еңбек қорғаудың әдістемелік негізі жарақаттанушылық мен кәсіптік ауруға әкеліп соқтыратын, қауіпті және зиянды өндірістік факторлардың пайда болуы және қолданылатын материалдар мен заттардың өндірістік құралдары, технологиялық және өндірістік процесстердің, еңбек шарттарын ғылыми талдау болып табылады. Жарақаттанушылық, апатты және кәсіптік аурулар мәселелерін тек инженерлік әдіспен шешу мүмкін емес. Көбінесе травматизмнің себебі еңбектің күрделі шарттары емес, жұмыскерлер мен мамандардың төменгі біліктігі, іс-әрекетке реакцияның төмендеуі болып табылады. Мұндай жағдайда қауіпсіздік техникасы мен еңбек қорғау мәселелері бірігіп кетеді және олардың талаптарының шекаралары болмайды. Травматизмнің өсу себебін талдау техника мен ғылыми-техникалық прогрестің дамуы адамды өндірістік жағдайлардың қауіпті және зиянды әсер етуінен қорғау бойынша ұсыныстар мен шараларды дайындаудан озық екенін көрсетеді. Еңбек қорғау мәселелеріне жүйелі көзқарас өндіріс шартында адам қауіпсіздігін өсіруге біршама әсер етуін көрсететін, барлық элементтер мен факторлардың кешенін ұсынатын, еңбек қорғау мәселелерінің нақты міндеттерін қалыптастыруға мүмкіндік береді.
