Семестр барысында екі аралық бақылау жүргізіледі 7(8) және 15 апталарда.
Аралық бақылаулар бойынша студенттің максималды үлгерім көрсеткіші 60% құрайды. Семестр аяғында оқу пәні бойынша қорытынды аттестациялау – емтихан өткізіледі (максималды көрсеткіші - 40%).
Пән бойынша қорытынды емтихан бағасы аралық бақылаулар және қорытынды аттестациялаудың максималды көрсеткіштер сомасы ретінде анықталады.
Қорытынды емтихан пәннің негізгі теориялық және практикалық материалдарын қамтитын нұсқауларға бөлінген тест тапсырмалары түрінде өтеді.
Әріптік бағалау және оның балдардағы цифрлік эквиваленті дұрыс жауаптардың пайыздық көрсеткіші бойынша анықталады (кесте бойынша)
Пән бойынша қорытынды баға келесі формула бойынша пайызбен анықталады::
Қ% = 1Р(30%) +2Р(30%) +Е(40%) түсіндірме:
1Р – 1-ші рейтинг бағасының пайыздық көрсеткіші;
2Р – 2-ші рейтинг бағасының пайыздық көрсеткіші;
Е – емтихан бағасының пайыздық көрсеткіші.
БАҒАЛАУ КРИТЕРИЙЛЕРІНІҢ ҮЛГІСІ (БІЛІМ БЕРУ БАҒДАРЛАМАСЫНА ЖӘНЕ ПӘН МАЗМҰНЫНА БАЙЛАНЫСТЫ ҚҰРАСТЫРЫЛҒАН)
Аудиториялық жұмысты бағалау критерийлері
90-100
Сабақ барысында зерттеуге алынған жұмыстың жазбаша немесе электронды орындалып, тиянақты тұжырымдар мен дәлелдердің келтірілуі
Зерттеуге алынған мәселеге қатысты теориялық тұжырымдарды анықтап, сол тұжырымдарға қатысты өз пікірлерін білдіріп қорытынды жасайды. Берілген тарихи оқиғаға, құбылысқа тарихи баға береді.
70-89
Сабақ барысында зерттеуге алынған жұмыстың жазбаша немесе электронды орындалып, тиянақты тұжырымдар мен дәлелдердің келтірілуі
Сабақ барысында білім алушы дұрыс, толық жауап беруге қиналады. Зерттеуге алынған мәселеге қатысты теориялық тұжырымдарды анықтауда, сол тұжырымдарға қатысты өз пікірлерін білдіріп қорытынды жасауда, берілген тарихи оқиғаға, құбылысқа тарихи баға беруде қиналады.
50-69
Сабақ барысында зерттеуге алынған жұмыстың жазбаша немесе электронды орындалуы
Білім алушы зерттеуге алынған сұрақтар бойынша жауап беруде қателіктер жібереді, мысалдар келтіре алмайды. Зерттеліп отырған мәселеге қатысты өз пікірін тұжырымдап, тарихи баға бере алмайды.
0-49
Практикалық жұмыстардың орындалмауы немесе орындалған практикалық жұмыстың сапасының төмен болуы.
Практикалық сабақ барысында білім алушы сұрақтарға жауап беруде қиналады немесе сұрақтарға жауап бере алмайды.
Өзіндік жұмыс бойынша бағалау критерийлері
90-100
Берілген тапсырма бойынша жұмыстың толық орындалып, тұжырымдар мен қорытындылардың дәлелді болуы
Жұмыстың стандартқа сай рәсімделуі.
Тақырыпқа сай өз ой-пікірін қалыптастырған, дәлелді тұжырымдар, олардың дұрыс және толық түсіндірілуі. Дереккөздерін тиімді пайдалана булі, тақырыпқа сай қосымша сұрақтарға жауап бере алады.
70-89
Берілген тапсырма толық орындалмаған, тұжырымдар мен қорытындыларжасай алады;
Тақырып бойынша тұжырымдары дұрыс, бірақ толықтыруларды қажет етеді. Қорғау кезінде қосымша сұрақтарға жауап беруде қиналады.
50-69
Өзіндік жұмыстың жазбаша немесе электронды орындалуы
Жұмысты рәсімдеуде қателіктердің көп кездесуі.
Жұмысты қорғауда теориялық қателіктер жібереді, өзіндік ойын қалыптастырмаған, тұжырымдауда қиналады.
0-49
Берілген тапсырмалардың тиянақты орындалмауы, жұмыста өрескел қателіктердің кездесуі.
Жұмыстың дұрыс орындалмауы, жазбаша жұмыс рәсімдеу стандарттарының сақталмауы.
Қорытындыларды интерпретациялаудың дұрыс еместігі немесе олардың жоқтығы. Жұмысты қорғау кезінде студент дұрыс түсінік бере алмайды, қате жауаптар береді, жұмыс бойынша қорытынды жасай алмайды.
Қорытынды бағалау критерийлері
95-100
Студент қойылған сұрақтарға толық жауап береді, берілген термин сөздер мен тұжырымдардың нақты сипаттамасын айғақтайды. Студенттің жауабы ғылыми терминдермен тұжырымдалған, қисынды, дәлелді авторлық ұстанымын айқындайды. Берілген сұрақтарына сәйкес ұтымды ой тұжырымдап, берілген тарихи оқиғаға құбылысқа тарихи баға береді.
90-94
Студент берілген сұрақтарға толымды жауап береді, берілген тарихи факт, оқиға немесе тұлға хақында жан-жақты жауап береді. Бағыттаушы сұрақтар арқылы тақырыпты кең көлемде ашып толықтырады. Егер мәліметтер қате берілетін болса, студенттің өз бетімен айтылған ақпаратты дұрыстауға немесе нақтылауға мүмкіндік беріледі.
85-89
Студент берілген сұрақтар аясында тиянақты, бірізділікпен сақталған, өз позициясы тарапынан тұжырымдалған жауап береді. Тақырыппен жұмыстану, сұраққа жауап беру барысында жіберілген қателіктер оқытушының көмегінен дұрысталады.
80-84
Студент қойылған сұрақтар бойынша толық жауап береді. Негізгі тұжырымдары тиянақты, жинақы жазылған. Бірақ оларды талдауда қиналады. Ғылыми терминдердің анықтамаларын, тарихи тұлғалар туралы мәлімет бергенімен, олардың қызметіне тарихи баға беруде, талдау мен тұжырымдауда қателіктер жібереді.
75-79
Студент берілген сұрақтар бойынша жұмыстанып, өзіндік ой-тұжырымдарын оқытушының көмегімен берілген бағыттаушы сұрақтар арқылы өз білім деңгейін көрсетеді.
70-74
Студент берілген сұрақтар бойынша жауап беруде дәлелдер мен маңызды фактілерді тұжырымдауда жеткіліксіз жауап береді. Әр түрлі тарихи оқиғалардың себеп-салдарлық байланысын анықтауда қиналады.
65-69
Студент берілген сұрақтар бойынша толық жауап бере алмайды, өз ойын тұжырымдауда олқылықтар кездеседі. Сұрақтарға жауап беру барысында терминдерді қолдануда қателіктер жіберілген.
60-64
Студент сұрақтарға жауап беру барысында тақырыптан ауытқып отырады. Тұжырым, термин, ақпаратты талдау барысында қателіктер жібереді. ОЙы шашыраңқы, тарихи оқиғаларды тұжырымдауда тарихилық принцип сақталмаған.
55-59
Студент қойылған сұрақтар бойынша жауап беруде қателіктер жіберіп отырады. Айтылған тұжырымды дәлелдеуде, терминдер мен тұжырымдардың анықтамаларын беруде қиналады. Қосымша сұрақтарға жауап беруде оқытушының көмегіне жүгінеді.
50-54
Студент берілген сұрақтар бойынша жауап бере алмайды. Пән бойынша берілген негізгі тұжырымдар мен анықтамаларды талдай алмайды, жауап беру барысында жиі қателіктер жібереді.
0-49
Пәннің негізгі сұрақтары бойынша жауаптар алынбаған.
