Білім беру саласындағы зерттеушілердің Қазақстандық ҚОҒамы
жүктеу/скачать 0,72 Mb. Pdf көрінісі
|
| 4.3. Кодекс құрылымы
Кодекстің құрылымы зерттеу бостандығы мен зерттеуге қатысатын адамдардың құқықтары мен заңды мүдделерін құрметтеуден туындай- тын құндылықтар мен қағидаларға негізделген. Бұл қағидалар негізі- нен нұсқаулар түрінде тұжырымдалған (5-бөлім). Кодекстің 6-шы және 7-тарауларынан көрініп тұрғандай, бұл құжат зерттеу әдебіне қатысты тек білім зерттеушілерінің міндеттерін ғана емес, сонымен қатар зерт- теу жүргізетін ұйым басшыларының шығармашылыққа қолайлы әрі ашық зерттеу ортасы мен мәдениетін қалыптастыру жөніндегі жауап- кершілігін бекітеді. Кодекс қағидаларын Марк Франкельдің (Mark S. Frankel) жіктелісі бойынша шартты түрде үшке бөлуге болады, олар: мотивациялық (ынталандырғыш), түсініктемелік және реттеушілік (UNESCO DEST, 2006, P. 3). Қағидалардың алғашқы екі түрін Алғы сөз, Кіріспе, бөлім- дер мен параграфтардың бас жақтарынан кездестіреміз. Бұдан басқа, Кодексте қазақстандық зерттеу практикасы үшін беймәлім я ерекше болып көрінетін ұғымдар/терминдер мен жағдайлар кездесетіндіктен 3-бөлімде глоссарий, 5–7-бөлімдердегі бірқатар нормаларға анықта- малық-түсініктемелік мәлімет әзірледік ( i ) және құжат ішінде өзін-өзі бағдарлауды жеңілдету үшін беттердің төменгі жағында сілтемелерді келтірдік. Түсініктемелерде ҚР нормативтік құқықтық актілерінен үзін- ділер берілген, бұл актілер Кодексті жазу және басуға дайындау кезін- де қолданыста болған. Уақыт өте заңнама ептеп өзгеретіндіктен білім зерттеушілері аталған үзінділерді басшылыққа алмастан бұрын тиісті актілердің жарамдылығын тексеріп отыруы керек. Кодекс қағидалары- ның соңғы түрі – реттеушілік, ол нормалар мен міндеттемелер түрінде көрініс тапты. Бұл нормалар білім зерттеушілері, зерттеу жүргізетін ұйым басшылары және Зерттеу әдебі жөнінде институциялық коми- теттер ұстануға тиіс мінез-құлық, әрекет үлгісі ретінде 6–7-бөлімдерде тұжырымдалған. жүктеу/скачать 0,72 Mb. Достарыңызбен бөлісу:
|