Жұмбақ Көктен түсіп көбейді,
Ұқсайды өзі шекерге.
Бірақ ешкім жемейді,
Жерде жатыр бекерге.
Ол не? (Қар)
Бақылау: Бақылап қорытынды жасау; күшті аяздардың болмағанынан алғашқы қар ақ болады, тез ериді. Қысқы табиғаттың әдемілігі сүйсінуге тәрбиелеу.
Қимылды ойыны: «Сұр қоян жуынды» Мәтінмен сәйкес қозғалысты орындай білуді бекіту. Алаңда бір-біріне соқтықпай орын ауыстыру дағдыларын дамыту.
Еңбек: «Бөлме өсімдіктерін күту» Тәрбиешінің басқаруымен балалар пайдалы іспен оранжерияларда, қысқы бақтарда айналыса алады. Бөлме өсімдіктерін күтуге тәрбиелеу: өлшемді суару, гүл сауыттағы шартты белгіге қарау, жапырақтарды дұрыс сүрту.
Өз бетімен ойындар: Шашақтармен ойын Таза ауадағы ойындарды мадақтау. Өзіне қызық ойындарға қатысуға тәрбиелеу.
Қыс
Ортаңғы топ
Ортаңғы топ № 1 Ауа-райын бақылау. Жаңылтпаш Қыс қыспаса қыс па, Құс ұшпаса құс па?
Өлең «Қыс» О.Иманәлиев. Көкті бұлт тұмшалап, Жер ақ тонын киеді. Шұнақ аяз шымшылап, Ақ бетіңнен сүйеді.
Бақылау: Балаларға жансыз табиғаттағы қыс мезгіліндегі өзгеріс туралы түсінік беру.
Қимылды ойын: «Кегліні құлат» Кегліні құлата отырып, клюшканың көмегімен нысанаға шайбаны лақтыра білуді бекіту. Белсенділікке тәрбиелеу.
Еңбек: Демалыс орнын қардан тазарту.
Өзінің іс-әрекетін жолдастарының іс-әрекетімен келістіру, ұжымда тапсырманы өз бетінше орындауға үйрету. Ынталы еңбек етуге тәрбиелеу.
Өз бетімен ойындар: Әр балаға қызықтыратын ісімен айналысуға мүмкіншілік беру.
