2. Зерттеу әдістері және оларды таңдап алу. Зерттеу әдістерін таңдау зерттеу тақырыбына, проблемасына, гипотезасына, мақсатына тәуелді.
Зерттеу объектісіне, пәніне, міндеттеріне, жинақталған материалға сәйкес әдістер таңдаған жөн. Олар қазіргі ғылыми зерттеудің талартарын орындауы тиіс: перспективті болуы, яғни сенімді нәтиже беруі; зерттеудің логикасына сәйкес болуы; оқушы тұлғасын жан-жақты және үйлесімді дамытуға бағытталуы; әдістердің өзара байланысы.
Дәріс 25. Курстық жұмыстың тәжірибелік бөлімін өткізу әдістемесі. Зерттеудің 2-ші кезеңі (немесе тәжірибелік бөлім).
1. Зерттеудің 2-ші кезеңі (немесе тәжірибелік бөлім). Бұл кезеңде анықтаушы эксперимент (тексеру), қалыптастырушы эксперимент (құрылымдық, өзгерту) және бақылау эксперименттерін біріктіретін тәжірибе жұмысының құрылымы анықталады.
Анықтаушы эксперимент -зерттеудің басында өткізіледі және оның міндеті зерттелетін құбылыстың практикадағы жағдайын анықтау. Қолданылатын әдістер: бақылау, әңгіме, анкета, оқушылар жұмысын, сабақ конгспектілерін зерттеу және т.б.
Қалыптастырушы эксперимент –эксперименттің келесі кезеңі. Міндеті – жаңа шарттарды орындай отырып, осы шарттардың тәрбие мен оқытудың тиімділігіне қаншалықты әсер ететіндігін зерттей отырып, ұсынылған гипотезаны тексеру. Бұл кезеңдегі өте маңызды нәрсе – тәжірибе жұмысының барысы мен нәтижесін жазып алу әдістемесі, алныған мәліметтерді талдау әдістемесі, мәліметтерді статистикалық өңдеу, кесте құру және т.б.
Бақылау экспериментіөткізілген жұмыстың нәтижесін (гипотезаның дұрыстығы немесе қателігі) нақтылауға мүмкіндік береді.
Курстық жұмыстың практикалық бөліміне енеді:
әдіс-тәсілдерді жасау: анкета, сұрақтар тізімі және т.б.;
сабақтар мен тәрбие шараларын даярлау;
жаттығулар, тренингтерді іріктеу және т.б.
Эксперимент жұмысы аяқталғаннан кейін оны өңдеу керек: сабақ, тәрбие шарасын, жаттығулардың өткізілуін баяндау, қателіктерді көрсету, қорытындылар жасау.
