«елбасы медалі» бағдарламасын іске асыру бойынша әдістемелеік нұСҚаулық

Бағыттың ұзақтығы мен көлемі

Қола деңгейден өту үшін қатысушы 3 (үш) ай ішінде кемінде 3 (үш) шығарманы, күміс деңгейден өту үшін 6 (алты) ай ішінде кемінде 6 (алты) кітапты және алтын деңгейден өту үшін 9 (тоғыз) ай ішінде кемінде 9 (тоғыз) кітапты оқуы қажет.

Апта сайынғы есепте қатысушы оқыған кітабы туралы бір минуттық видео жаза алады немесе өлеңдерді жатқа оқу, эпостан үзінді, поэма, прозадан үзінді оқи алады немесе оқыған материалын 100-150 сөзбен қысқаша баяндай алады.

Кітапты оқығаннан кейін қатысушы 3 минуттық видео немесе 500 сөзден тұратын эссе жазуы керек.

Видеода ол мынадай сұрақтарға жауап беруі тиіс (қазақ, орыс немесе ағылшын тілдерін қолдануға болады):

● Сіздің түсінігіңізде осы кітаптың түпкі ойы қандай?

● Бұл кітап сізге эмоционалдық және/немесе рухани тұрғыда қалай әсер етті?

● Осы кітаптағы белгілі бір көріністі немесе оқиғаны қысқаша сипаттаңыз, сонымен қатар, сізге қандай әсер қалдырды?

● Кейіпкерлердің бірін таңдаңыз және оның ішкі жан дүниесі мен толғанысын сипаттап беруге тырысыңыз. Осы кейіпкердің орнында болсаңыз, сіз не істер едіңіз?

Бағдарламаға тіркелгеннен кейін бірден қатысушының жеке кабинетінде автоматты уақыт санағы басталады: қатысушының деңгейіне сәйкес алты, он екі және он сегіз ай.

Қатысушының есептерін қарағаннан кейін арнайы комиссия оның деңгейді аяқтағаны немесе аяқтамағаны туралы шешім қабылдайды.