«елбасы медалі» бағдарламасын іске асыру бойынша әдістемелеік нұСҚаулық

Тәлімгердің функциялары

1. 
   Тәлімгер Бағдарламаға қатысуға ниет білдіргендердің түйіндемесін толтырып, оны Бағдарлама орталығының қарауына қалдырады;
   
2. 
   Тәлімгер қатысушы аккаунтында көрсетілген деректерге ашық қол жеткізе алады;
   
3. 
   Тәлімгер қатысушының өзімен және оның заңды өкілдерімен де, сондай-ақ, қатысушының тұратын жерінің жағдайымен, оның дене және менталдық денсаулығымен алғашқы болып тікелей танысуды жүргізуге міндетті;
   
4. 
   Тәлімгер қатысушыға Бағдарламаға қатысу тәртібі, бағыттар, есеп беру формасы, көтермелеу және басқа да жағдайлар бойынша талаптар туралы жеке нұсқаулық жүргізеді;
   
5. 
   Тәлімгер Бағдарламаға қатысушының спорттық секцияларға, үйірмелерге, еріктілер іс-шараларына қатысу мониторингін айына кемінде бір рет жүргізеді, бұл ретте 18 жасқа толмаған қатысушы өзінің спорттық секцияларға, үйірмелерге, еріктілер іс-шараларына қатысуын ата-аналарымен (қамқоршыларымен) келісуі тиіс;
   
6. 
   Тәлімгер қатысушымен бірге жеке қатысу кестесін жасайды, онда сабақтардың түрлері, ұзақтығы, сондай-ақ, Бағдарламаның әрбір бағыты бойынша нормативтер анықталады;
   
7. 
   Тәлімгер өз аккаунты арқылы әр қатысушымен байланыс жасап, әдістемелік қолдау көрсете алады;
   
8. 
   Тәлімгер қатысушының жеке кестесіне сәйкес оның есептерін тексереді, сондай-ақ, оны растайды немесе тапсырманы қайта орындауды талап ете алады;
   
9. 
   Тәлімгер өз аккаунты арқылы өзіне бекітілген қатысушылардың ілгерілеуін қадағалайды және олардың әрқайсысына журнал толтырады;
   
10. 
    Тәлімгер қатысушының күнделігін толтыру барысын тексеріп, қажет болған жағдайда қатысушыға көмек көрсетуі керек;
    
11. 
    Тәлімгер күнделік толтырмаған, Бағдарлама шарттарын орындамаған, байланысқа шықпаған қатысушымен өзі байланысқа шығуы тиіс;
    
12. 
    Тәлімгер Бағдарлама деңгейі аяқталғаннан кейін талдау жазбаларын, сондай-ақ, оған бекітілген барлық қатысушыларға қатысты ұсынымдарды жазады.