Ерекше білім беруді қажет ететін балалармен әлеуметтік-педагогикалық жұмыс ерекшелегі.
Біздің елімізде 1991 жылдан бастап әртүрлі проблемалармен айналысатын әлеуметтік педагог жұмыс жасай бастады. Әлеуметтік-педагогикалық қолдау бағыты пайда болды. Осы орайда инклюзивті білім беру жағдайында ерекше білім қажеттілігі бар балаларды оқу процесінде, әлеуметтік коммуникацияда, социумда әлеуметтенуде, өзара әрекеттесуде әлеуметтік-педагогикалық қолдау көрсету маңызды. Әлеуметтік-педагогикалық қолдау оқушыларды қарым-қатынас жасауға, оқу процесінде еркін ұстауға, жалпы белсенді әлеуметтенуге ықпал етеді.
Оқушыны әлеуметтік қолдау бірнеше мамандардың көмегімен жүзеге асады. Атап айтсақ, психолог, логопед, арнайы педагог, әлеуметтік педагог. Олар отбасымен бірігіп жұмыс жасайды. Ата-аналармен кездесу ұйымдастырып, олармен кеңеседі. Әлеуметтік-педагогикалық қолдау арқылы отбасы мен мектеп арасында сабақтастық процесі жүзеге асады. Ерекше білім қажеттілігі бар балалардың ата-аналарымен бірнеше жұмыстар жүзеге асыруға болады.
Әлеуметтік педагогтың жұмыс бағыттары.
Диагностикалық қызметі;
Өз құзырлығы шеңберінде көмекті қажет ететін балаларды әлеуметтік қорғау;
Кәмелетке толмағандардың, ата-аналардың құқықтық тәрбиесін ұйымдастыру;
«Ерекше назарлығы» оқушылармен, ата-аналармен жеке жұмыс;
Сынып жетекшілері, медицина қызметкерлері, мектептің басқа да қызметкерлерімен, ата-аналар комитетімен, құқық бұзушылықтың алдын алу кеңесімен, оқушылардың өзін-өзі басқару органымен, кәмелетке толмағандардың құқығын қорғау жөніндегі комиссиямен, қоғамдық ұйымдармен өзара қарым-қатынасты үйлестіру.
Әлеуметтік педагогтың тұлғалық және кәсіптік сапалары мен қасиеттері.
Әлеуметтік педагогтың нормативті-құқықтық құжаттары.
Әлеуметтік педагог өз жұмысында:Қ,Р Конституциясын, Қазақстан Республикасының «Білім туралы» Заңын, Б.Ұ.Ұ «Бала құқығы туралы» Конвенциясын, Қ.Р «Бала құқығы туралы» Заңына, ҚР «Неке және Отбасы туралы» Заңын, ҚР «Даму мүмкіндігі шектеулі қолдау туралы» Заңын, «Әлеуметтік педагог» Ережесін және басқа да білім беру мәселесі жөніндегі нормативтік-құқықтық актілерді білуі тиіс.
