Есенова камчат аугажыевна
жүктеу/скачать 7,45 Mb. Pdf көрінісі
|
6D010300 ДИССЕРТАЦИЯ ЕСЕНОВА К.А.
- Бұл бет үшін навигация:
- 1.2 Білім беру менеджерлерін дайындаудың отандық және шетелдік тәжірибесі
| басқарушылық іс-әрекетті салыстырмалы талдау нысаны
ретінде қарастырған кезде біз: – менеджерлерді үздіксіз кәсіби дайындау жүйесінің сабақтас байланыс құрылымының қалай қалыптасатынына; – кәсіптік қызметтің қалыптасу заңдылықтарын бейнелейтін студенттерді дайындау процесінде іс-әрекеттерін қалай белсендіретініне; – тиісті дағдылар мен машықтарды қалыптастыруға мүмкіндік беретін кәсіпорындардағы тағлымдамаларға, – түрлі практикалық пәндерді оқу процесіне енгізу арқылы көрініс табатын іс-тәжірибеге бағытталған дайындықтың қалай жүзеге асырылатынына; – шетелдерде менеджмент бойынша кәсіби білікті оқытушылар құрамының қалай қалыптасатынына назар аударуымыз қажет. 1.2 Білім беру менеджерлерін дайындаудың отандық және шетелдік тәжірибесі Қоғамның өмір сүру саласы ретінде білім беру көптеген әлеуметтік ұйымдардың қызметімен байланысты, оның мекемелерінде әлеуметтік құрылымдардың барлық белгілері бар, бұл әлеуметтік басқару мен менеджменттің барлық негізгі заңдары мен қағидаларын туралы білімдерін кеңейтуге мүмкіндік береді. Дегенмен, білім беру іскерлік саладан айтарлықтай ерекшелікке және үлкен айырмашылықтарға ие, сондықтан білім беру менеджентінің айрықша ғылымын қалыптастыру мен дамыту туралы сөз шеңберінде әлеуметтік жүйелерді жалпы басқару заңдылықтары нақтыланып 31 қана қоймайды және де ерекше заңдылықтар ашылады, олар өз кезегінде әлеуметтік басқарудың барлық жүктерін жандандыруға алып келеді. Білім берудегі басқарушылық іс-әрекет өзінің басқарушылық нысандар әрекетінде өмір бойғы кіріктірілген күшінде және олардың дамуына тұтастық бағыттылығында анық көрінген пәнаралық және кіріктіруші сипатқа ие. Бұл дегеніміз – салыстырмалы түрде тәуелсіз білім беру ғылымы туралы мәлімдеме оның жабылу және жақын болу жолы емес, керісінше білім беру ғылымдарының кешенді пәндерімен қисынды әрекеттесудің қажетті шарты болып табылады. Ғылыми әдебиеттерде «білім беру» және «менеджмент» ұғымдарын анықтауға бірыңғай көзқарастың болмауы жаңа санатты «білім беру менеджменті» түсіндірмесінде де авторлық ұстанымдардың кең ауқымына алып келді. Бұл отандық және шетелдік ғылыми-педагогикалық басылымдар беттерінде және әртүрлі халықаралық форумдарда белсенді түрде жүргізіліп жатқан білім беру менеджменті проблемалары бойынша пікірталастардан айқын көрінеді. Бұл пікірталастар әлемнің түрлі елдерінің өкілдері ғалымдармен білім беру менеджментінің басқа көзқарасын көрсетеді. Айта кету керек, бірқатар авторлар «білім беру менеджменті» категорияларына «білім беру жүйесін басқару (білім беру мекемелерін)» ұғымымен синоним ретінде қарастырады: білім беру менеджменті – ЖОО-ны немесе білім беру жүйесін кәсіби басқару; білім беруді басқару субьектілерінің әрбір білім беру мекемесінің, буындардың және жалпы жүйенің қалыптасуын, оңтайлы жұмыс істеуін қамтамасыз ету жөніндегі қызметі; білім беру менеджменті – білім беру қызметін сапалы жүзеге асыруға, білім беру стандартын кепілді түрде қамтамасыз етуге бағытталған ұстанымдар, әдістер, технологиялық басқару тәсілдерінің жүйесі. Аталған ұғымдардың қалыптасу және даму тарихын шартты түрде бірнеше кезеңге бөліп қарастыруға болады. І кезең (ХХ ғасырдың 80-жылдары) «Білім беру менеджменті» терминінің пайда болуы мен қалыптасуы. Отандық және шетелдік педагогикадағы жаңа бағыттың теориялық алғышарттары ХХ ғасырдың екінші жартысында Батыс және Шығыс Еуропа елдерінде қарқынды даму алған білім беруді басқару теориясында болды. Осы теория аясында «білім берудегі менеджмент», «педагогикалық менеджмент», «менеджменттік білім беру», «білім беру жүйесіндегі менеджмент», «білім беруді әкімшілендіру» «білім берудегі көшбасшылық» секілді синонимдік ұғымдар қолданыла бастады. Педагогикалық ғылым мен тәжірибеде бұл ұғымға шекара қою, жалпы және ерекше затты бөлу және де жалпылама сипаттамаға ие басты ұғымды анықтау қажеттілігі туындайды. Бірте-бірте «білім беру менеджменті» ұғымы көптеген отандық және ең алдымен, шетелдік авторлар тарапынан жоғарыда көрсетілген синонимдік қатарды бөліп көрсететіндей бола бастады. Қалыптасқан жаңа ұғым жеткілікті түрде айқын көрінген нысанға, білім беру жүйелеріне, білім беру ұйымдарына және ондағы білім беру үдерістеріне 32 бағытталған басқару қызметін білдіреді. Білім беру менеджменті, ең алдымен, білім беру жүйесі шеңберінде жүзеге асырылатын және осы жүйенің жетекші функцияларын тиімді басқаруға бағытталған мақсатты басқару жүйесі ретінде қарастырылады: білім беру, тәрбиелеу және өскелең ұрпақты дамыту. жүктеу/скачать 7,45 Mb. Достарыңызбен бөлісу:
|