Ашытылған, тұздалған және маринадталған жемістер мен көкөністерді буып-түю және сақтау. Ашыған орамжапырақ дүкенге сыйымдылығы 200 л бөшкелерде немесе 3 литрге дейін шыны ыдыстарда түседі. Тұздалған қияр мен томатты сыйымдылығы 120 л, тұздалған қызыл томатты – 50 литрге дейін бөшкелерге салады. Көкөніс немесе жеміс-жидек маринадтарын 3 литрден аспайтын шыны ыдыстарға салып, аузын герметикалы жабады.
Ашыған және тұздалған көкөністерді 4С-қа дейін температурада 85-90% салыстырмалы ауа ылғалдылығында сақтайды. Герметикалы ыдыстардағы көкөністер мен жемістер маринадтарын құрғақ, жақсы желдетілетін бөлмелерде 0-15С температурада сақтайды.
