1. «Еркін жазу» тәсілімен мынадай тапсырма орындаңыз. Еркін жазудың ережелері:
толассыз жаза беру керек;
егер ой келмесе, «не жазарымды білмей отырмын» деген сыңайда жаза беру керек;
қате туралы ойламау керек, өйткені мұнда студент өзінің ойлау процесінің хатшысы іспеттес болу керек;
2. Мәтінді оқыңыз да, төмендегі кестені толтырыңыз. Мағжан поэззиясында адам жан дүниесінің сыры мен қыры маңызды орын алады. Оның «педагогика» (1922) атты еңбегі педагогикалық психологияны қамтиды. Бұл еңбегінде Мағжан жан көріністерін білу, сезім, қайрат деп үшке бөледі. Олардың өзара табиғи үйлесімін Абай тұжырымдарымен байланыстырады.
Кітапта «зейін» туралы да біраз деректер бар. Автор шәкірттерде зейін даму үшін әсердің күшті, жаңа болуы керек дейді. Ол кейбір оқушылардың зейінсіз болудың себептерін де ашады. Бұған дененің немесе жанның шаршауын, бейғамдықты т.б. жатқызады. Бейғамдықты болдырмау үшін терең, ұзақ тәрбие қажет.
Ол бұл еңбегінде ойлау, ұғым, ой қорытындылары, ішкі сөйлеу т.б. мәселелерді, ерік-жігер, рефлекс, әдет категорияларына да талдау жасаған. Ақын тілдің адам өміріндегі маңызы жайлы былай дейді: «Ұлттың тілі кеми бастауы, ол – ұлттың құри бастағанын көрсетеді. Бұл ұлттың тілінде сол ұлттың жері, тарихы, тұрмысы, мінезі айнадай ашық көрініп тұрады».
Ол педагогика мен психологияның тығыз байланыста екендігін, яғни шәкірттердің жан-дүниесі ерекшеліктерін (зейін, ес, ойлау т.б.) ескерту керектігін ескертеді.
