Жүргізуші: Балалар неге күзді «Алтын күз» дейміз? (Балалардың жауаптары.)
Ал неге жомарт дейміз? (Балалардың жауаптары.)
Дұрыс айтасыңдар Өйткені күзде жеміс-жидектер, көкөністер, астық піседі. Барлығы мол болады. Сондық- тан алтын күз — жомарт күз дейміз. Алтын күздің құрметіне тақпақтар айтып берейік.
Самир: Сап - сары маңай,
Сап - сары тоғай.
Соңғы әнін айтып,
Құс кетті қайтып.
Амир: Алақай! Алақай!
Шаттанды балақай!
Күз түсті, дән пісті.
Айтамыз алғысты.
Айғана: Құстар қайтты ән салып,
Бұлт шарлады аспанды,
Қыс келеді жар салып
Күзгі суық басталды.
Нұржауар: Сарғайды тоғай,
Сап-сары маңай.
Соңғы әнін айтып,
Құс кетті қайтып.
Омар: Жапырақ ұшты,
Суық та түсті.
Сонда да бізге,
Қызық көп күзде.
Жүргізуші: Аққудай қалықтаған көл бетінде,
Теңіздей толықсып тербетіле.
Қол соғып қарсы алыңыз бишілерді,
Шығады өнерлерін көрсетуге. дегендей
қыздарымыздың биін тамашалаңыздар.
Би: Қолшатыр биі. Мариям, Зайнаб, Азалия, Айғана, Мөлдір, Нұржауар.
Исмаил: Жеміс - жидек пісті,
Қамбаға астық түсті.
Қызу жұмыс басталып,
Жинап алды жан салып.
Мөлдір: Қоңыр салқын тарады
Қойнаулар мен сайлардан,
Қаздар қайтып барады,
Қайтқан елдей жайлаудан.
Дидар: Жетті желмен алтын күз,
Жеміс жинау салтымыз.
Жиып - теріп болған соң,
Той жасайды халқымыз.
Рамазан: Күздің қазан айында
Алма, алмұрт піседі.
Жапырақтар сарғайып,
Сыбдыр - сыбдыр етеді.
