Ал Harmony таланты бар адамдармен жұмыс істейтіндерге мынадай кеңес айтамыз:
Мұндай адамды ұрыс-керістен аулақ ұстаңыз. Талас болуы ықтимал жиналыстарға шақырмаңыз. Өйткені ол біреуге қарсы келсе мазасы қашады.
Ол мәселенің шешімін іздегісі келеді. Ал ол шешім қайдан шығатыны оған аса маңызды емес.
IDEATION (Идея)
Сіз идеяға құмарсыз. Сіз бір нәрсені дәл түсіндіретін ой тапсаңыз шаттанасыз. Түрлі нәрсенің арасынан бір байланыс тапқыңыз келеді. Идея деп үйреншікті нәрсеге жаңаша қарауды айтамыз. Сіз тапқырлықты жақсы көресіз. Сондықтан жаңа идея тапқан кезде бойыңызды қуат кернейді. Басқалар сізді шығармашыл, тапқыр деп сипаттайды. Бұл қасиеттің бәрі сіздің бойыңызда бар да шығар. Бірақ бір нәрсе айқын - идея деген ғажап нәрсе!
Ideation таланты бар жандар былай көрінеді: Ш мырза: Мен керемет идея тапсам алтын тапқандай қуанамын. Кітап оқып отқанда бір сұлу сөз тіркесін көрсем шаттанамын. Идея маған қуат береді. Өз идеямның өңге айналғанын көргеннен асқан бақыт жоқ.
Ideation таланты бар жандарға кеңес:
Сіздің идеяңызды бағалайтын және сол үшін ақша төлейтін жұмыс іздеңіз. Мәселен маркетиң, жарнама, журналистика, дизайн және өнім ойластыру секілді салаларда қызмет ете аласыз.
