Кіріспе зерттеудің қысқaшa сипaттaмaсы
жүктеу/скачать 307,95 Kb.
|
ДИПЛОМ ПОЛНЫЙ (2)
| Қорытынды
Зерттеуде туыстары мен отбасылары бас тартқан қарт адамдармен әлеуметтік жұмыста жаңа технологияларды енгізудің артықшылықтары мен тиімділігі, зейнетақы заңнамасының жағдайы мен перспективалары, әлеуметтік көмек пен әлеуметтік қызмет көрсетуді ұйымдастырудағы отбасы мен мемлекеттің рөлі, қарт адамдардың өмір сүру деңгейі мен еңбек белсенділігінің артуын, олардың бос уақытын ұйымдастыру мен олардың әлеуметтік-медициналық қорғалуы және шетелдік тәжірибелер қарастырылды. Қорытындылай келе, отбасының қарт туысқандардан бас тартуының әлеуметтік алдын алу мәселесі жан-жақты және психологиялық, педагогикалық, медициналық және басқа да көмек түрлерін пайдалана отырып, кешенді тәсілді қажет ететінін атап өтеміз. Алдын алу шаралары адам өмірінің барлық салаларында қажет және маңызды саналады. Бұл әлеуметтік қатынастардың, әлеуметтік байланыстардың және өзара әрекеттесудің кез келген саласы әрқашан көптеген көзқарастар мен әртүрлі мүдделердің қақтығысымен, пікірлер мен ұстанымдардың келіспеушілігімен, әртүрлі мақсаттарға жетуге ұмтылумен болатындығына байланысты. Әлеуметтік профилактиканы жүзеге асыру қызметтің алуан түрлі әдістері мен тәсілдерін қолдануды көздейді. Бүгінгі күні адамның физикалық және әлеуметтік денсаулығының қолайлы деңгейін сақтау үшін қажетті жағдайларды жасауға бағытталған медициналық-әлеуметтік сияқты әлеуметтік алдын алу әдістерінің жұмыс істеуі туралы айтуға болады; әлеуметтік бақылау жүйесін құруды, тиісті құқықтық және заңнамалық базаны әзірлеуді көздейтін ұйымдық-әкімшілік; қоғамдық өмірдің барлық салаларында адамдардың мінез-құлқы мен іс-әрекеті үшін құқықтық нормалар мен ережелердің тиісті жүйесін әзірлеуге және жасауға бағытталған құқықтық; әртүрлі әлеуметтік субъектілер арасында құндылықтардың, нормалардың, стереотиптер мен идеалдардың қоғамға қолайлы жүйесін қалыптастыруға бағытталған педагогикалық; адам үшін қолайлы және лайықты өмір сүру деңгейін қолдаумен және оның материалдық қажеттіліктерін қанағаттандыру үшін қажетті жағдайлар жасаумен байланысты экономикалық және қоғамда саяси құқықтардың, бостандықтардың, құндылықтар мен нұсқаулардың тиімді жүйесін құруды жүзеге асыратын саяси мәселелердің шешілуін талап етеді. Отбасылары бас тартқан қарт адамдармен әлеуметтік жұмыс олардың денсаулық жағдайларына, әлеуметтік және экономикалық ахуалына, еңбектік қызметіне және қарттық категориясына байланысты жүзеге асырылады. Мұндай қарттар көбінесе, қарттар үйінде және арнайы пансионаттарында болады және өздері жалғыз үйлерінде тұрады. Елімізде отбасылары тастап кеткен қарт адамдармен әлеуметтік жұмыстың технологиялары ұйымдастырылған және оларға арнайы үйде қызмет көрсету қызметі жүзеге асырылады. Алайда, олармен әлеуметтік жұмыс жүргізудің бекітілген арнайы жүйесі жоқ. Сондықтан да елге отбасылары тастап кеткен қарттарға және егде жастағы қарттарға арналған денсаулық мектептерін ашу ұсынылды. Ол қарттардың денсаулық жағдайларын тексеріп отыруға, арнайы медициналық көмектің қажеттілігінің көлемін білуге, қарттардың әлеуметтік-мәдени өмірі мен танымдық оқу бағдарламаларын ұйымдастыруға және олардың денсаулықтарын жақсарту мақсатында сауықтыру кешенін құруға бағытталған. Сонымен бірге, патронаттық отбасылар жүйесін құру мен медбикелік әлеуметтік қызметін ұйымдастыру ұсынылды. Бітіру жұмысын қорытындылай отырып, отбасылары бас тартқан қарттар мен жалпы зейнет жасындағы қарт адамдармен әлеуметтік жұмыстың мәселелерін оңтайлы шешуге және отбасылары тастап кеткен, қорғансыз қалған қарт адамдармен әлеуметтік жұмыстың әдістері мен технологияларын жетілдіруге көмектесетін келесідей өз ұсыныстарымды ұсынамын: қараусыз қалған қарт адамдармен әлеуметтік жұмыстың ерекшеліктері мен технологияларын айқындау мақсатында әлеуметтік жұмыстың жүйелі кешенін құру; зейнет жасындағы қарт адамдарға арналған денсаулық мектептерін ашу; қарттар мен мүгедектерге арналған патронаттық отбасы технологиясын жүзеге асыру; Алматы қаласындағы, «Белсенді ұзақ өмір» жобасы мен Алматы қаласында жұмыс істейтін жаңа үлгідегі әлеуметтік орталықтарға ерекше назар аудару және ары қарай дамыту; «мейірбикелік (күтуші) әлеуметтік қызметін» ұйымдастыру отбасылары тастап кеткен қарттарға әлеуметтік қызмет көрсету мақсатында, арнайы ақпараттандыру жұмыстарын жүргізу; қарт адамдардың әлеуметтік пакетін кеңейту. Қарт адамдарға арнайы бағытталған әлеуметтік пакет құрамындағы әлеуметтік зейнетақы мен әлеуметтік жәрдемақы мөлшерін көбейту; жүктеу/скачать 307,95 Kb. Достарыңызбен бөлісу:
|