Майлы қоспа
Майлы қоспа –ірімшік,қыша,шабақ,май шабақ көктер түрінде ұсақталынып араластырылған толықтырғыштар қосылған және формаға келтірілген салқындатылған жұмсақ сары май .Майлы қоспаларды берер кезде кішкентай кесектерге ,әрқайсысының массасы 10-15г болатындай етіп турайды.Дәмін жақсарту үшін лимон сөлін қосады.Майлы қоспаларды дәмдіктер есебінде ет, балық көкөніс,ыстық тағамдарына қосады.Сол сияқты салқын тағамдарды әсемдеуде,майлы нан дайындайды және талғажау тамақтануында қолданады.
Майлы қоспалар кесектерінің формасы әр түрлі-дөңгелекше ,төртбұрышты,ромба, т.б. болып келеді.Майлы қоспалар жақсы салқындатылған және формасы жақсы сақталған болуы керек.
Көк(жасыл)май.Жұмсақ сары майды ұсақ туралған ақжелкек көгімен лимон қышқылымен қосып араластырып тоқаш формасында не жұқа шұжық түрінле формалап салқындатады және турайды.Бифштекске антрекотка,балық фриіне қосып береді.Бутерброд (тілім нан ) және басқа тағамдар дайындау үшін пайдаланылады.
Шабақты май.Шабақ сүбесін ылғалдайды .Қарапайым торлы еттартқыштан өткізеді.Елек арқылы үгіп,жұмсақ сары маймен қосып жақсылап көпсітеді.Дайын майды тоңазытқышта сақтайды .Тілім нан салқын дәмтатым есебінде дайындауда , жұмыртқа тартымын дайындауда қолданады.
Қышалы май.Сары майды жұмсартып асхана қышасымен (алдын ала дайындалған) қосады.Тілім нан әзірлеуге пайдаланады.
Ірімшікті май.Үгітілген жасыл (көк) ірімшікті не рокформды сары майды көпсіту жолымен дайындайды.Тілім нан дайындауға пайдаланады.
Талғажау тамақтануында ірімшікті майды кейбір ащы емес ірімшік сорттарынан дайындап ,салқын тіске басар ретінде береді.
