Тұздықтар дегеніміз – жартылай сұйықтық консистенциясы бар тағамды дайындау процесінде немесе дайын тамақты беру кезінде оның дәмі мен хош иісін жақсарту үшін пайдаланылатын тағамның қосымша құрам бөлігі (компаненті). Тұздықтар көптеген ыстық және салқын тағамдарға қосымша қосылады.Олардың тағам үшін маңызы үлкен. Олар тағамның дәмін әрекеттендіреді, шырынды консистенция береді,қуаттылығын арттырады,себебі оның құрамында қаймақ,сары май, жұмыртқа, ұн, т.б. бар.Тұздық құрамындағы белоктар,майлар,көмірсулары адам ағзасына жеңіл сіңеді. Көптеген тұздықтар құрамында біраз мөлшерде дәмдік заттар, дәмдеуіштері дәмдіктер, асқатықтар (приправа) болады. Олар ас қорыту мүшелерін қыздыра әсер етеді. Сөйтіп тұздықтар тәбет ашуға және астың жеңіл сіңірлеуіне септігін тигізіді. Көпшілік тұздықтардың ашық түсті болуы тағамның сыртқы түрін, түсін тиімді ұнамды жағына қарай өзгертеді. Тағамға тұздықты дұрыс тандаудың маңызы үлкен.
Тұздықты дайындау үшін ошаққа қоятын сыйымдылығы үлкен емес қазандар, арнайы тұрақты пайдаланылатын тұздық қазандары, кәстрөлдер мен тұздық табалар, тұздықты күіп кетуден сақтайтын түбі қалың табалар қолданылады.
Бұлардан басқа суырма таба, ағаш күрекше (веселки), былғауыштар (венчики) елек, сүзгі, ожау қасық, т.б құралдар қолданылады. Кейбір тұздықтарды дайындау үшін ұзақ және мұқият көпіршіктендіруді (араластыруды) талап ететін автомат не механикалық құралдар не машиналар қажет. Сондықтан ыстық не тұздық цехында араластырғыш
(көпіршіктендіргіш) машина болуы керек. Егер тұздықты тамақтан бөлек беретін болса онда оны арнайы тұздық тостаққа құйып береді береді. Тұздықты тағамға тікелей қосыпта беруге болады.
Әр сыбағаға 50, 75,100 гр, кейбір жағдайда 25 гр тұздық береді.
