Маневрлік жұмыс
Басты және қабылдау–жөнелту жолдарындағы маневрлер
жүктеу/скачать 94,47 Kb.
|
| 1.4 Басты және қабылдау–жөнелту жолдарындағы маневрлер
Бас жолдардағы немесе оларды кесіп өтетін, сондай-ақ шығу бағыттамаларынан шығатын маневрлерге әрбір жағдайда тек станция бойынша кезекшінің рұқсатымен, маневрлер жүргізілетін жолдар мен бағыттамаларға кіруді қоршайтын тиісті кіру бағдаршамдары жабық болған кезде рұқсат етілуі мүмкін. Станцияның қабылдау - жөнелту парктерінде маневрлер құрастырушыға (бас кондукторға) маневрлік жұмысқа тапсырма берген кезде станция бойынша кезекші көрсететін жолдарда (бағыттамаларда) ғана жүргізілуі мүмкін. Поездық диспетчердің және көрші станция бойынша кезекшінің келісімінсіз және машинистке берілетін белгіленген рұқсатсыз құрамның станция шекарасынан дара жолды және қос жолды учаскелерде дұрыс емес жолмен аралыққа шығуымен маневрлерге тыйым салынады. Қос жолды учаскелерде құрамның станция шекарасынан дұрыс жолмен шығуы маневрлеріне станция бойынша кезекшінің ауызша рұқсаты бойынша поезд диспетчерінің келісімімен жол беріледі. Маневрлік құрамның бір жолды аралықта станция шекарасынан тыс шығуға рұқсат болып табылады: Автоматты бұғаттау кезінде–маневрлік локомотивтің машинисіне тиісті шығу бағдаршамын ашқаннан кейін берілетін кілт-жезл. Маневрлік құрам ашық шығу бағдаршамы мен кілт–жезл бойынша станция шекарасынан бірінші рет шыққаннан кейін машинистте кілт–жезл болған кезде аралыққа қайта шығу шығу бағдаршамын ашпай жүзеге асырылады. Жол бағдаршамдарымен байланысты арнайы маневрлік бағдаршамдары бар автоматты бұғаттаумен жабдықталған станцияларда маневрлік құрамның станция шекарасынан тыс шығуы осы маневрлік бағдаршамның рұқсат беретін көрсеткіші кезінде жүргізіледі. Кілт-жезл немесе станция шекарасынан тыс шығатын маневрлер үшін арнайы маневрлік бағдаршам болмаған кезде маневрлік локомотивтің машинисіне жол жазбасы беріледі; жартылай автоматты бұғаттау кезінде-осы аралықтың кілт-жезл, ал ол болмаған кезде-жол жазбасы; электр жезлдық жүйе кезінде-жезл немесе осы аралықтың кілт-жезл; телефон байланысы кезінде-жол жазбасы. Барлық жағдайларда маневрлік құрамның станция шекарасынан бір жолды аралыққа шығуы машинистке жол жазбасын бере отырып, аралықты шектейтін екі станцияға бір мезгілде берілетін поездық диспетчердің рұқсаты бойынша ғана поездар қозғалысы кезінде сигнал беру мен байланыстың негізгі құралдарын жаппай-ақ жүзеге асырылуы мүмкін. [8] Мұндай рұқсатты алғаннан кейін станциялар бойынша кезекшілер поездық диспетчердің бақылауымен поездық диспетчерлік байланыс бойынша телефонограммалармен алмасады. Аралықты қарсы поезд бос қалдырмаған кезде маневрлік құрамның станция шекарасынан шығуы туралы сұрау салуға және рұқсат беруге тыйым салынады. Маневрлер жүргізу станциясынан жөнелтілген поездың аралықпен жүру сәтінде келісім беру кезінде аралық көрші станциядан поездың келгені туралы хабар алынғанға және осы станцияға маневрлердің аяқталғаны туралы хабарлама берілгенге дейін бос емес деп есептеледі. Маневрлік құрамның станция шекарасынан шығуы туралы барлық келіссөздер поездық телефонограммалар журналында жазбалармен ресімделеді. [9] Екі жақты жол бұғаттауымен жабдықталмаған қос жолды аралықтың дұрыс емес жолы бойынша станция шекарасынан маневрлік құрамның шығуы қажет болған кезде аралықтың осы жолы бойынша бұғаттаудың әрекеті белгіленген тәртіппен жабылады. Бұғаттау жабылғаннан кейін маневрлік құрамның станция шекарасынан шығуы Локомотив машинисіне жол жазбасын бере отырып жүзеге асырылады, бұл ретте жол жазбасы бланкісінің жоғарғы жағында жүргізілетін белгіге "дұрыс емес жолмен"деген сөздер қосылады. Екі жақты Автоматты бұғаттау кезінде блок–жүйені қозғалыстың тиісті бағытына ауыстырғаннан кейін маневрлік құрамның станция шекарасынан дұрыс емес жол бойынша шығуы бір жолды аралықтар үшін көзделген қағидалар бойынша жүргізілуі мүмкін. Әдетте, қабылдау–жөнелту жолдарын жеке вагондармен немесе вагондар тобымен алып жүруге тыйым салынады. Маневрлер жүргізу кезінде жылжымалы құрамның қабылдау–жөнелту жолдарын уақытша иеленуіне станция бойынша кезекшінің рұқсатымен ғана жол берілуі мүмкін. Аралық станцияларда жекелеген вагондармен немесе жылжымалы құраммен қабылдау–жөнелту жолдарына уақытша орналасуға станция бойынша кезекші поездық диспетчердің рұқсаты бойынша ғана рұқсат бере алады. Ұстап қалатын тұйықтарды кез келген жылжымалы құраммен, ал сақтандырғыш тұйықтарды – адамдар жұмыс істейтін жолаушылар және жүк вагондарымен, разрядты және қауіпті жүктері бар жүк вагондарымен алуға тыйым салынады. жүктеу/скачать 94,47 Kb. Достарыңызбен бөлісу:
|