Кестеде көрсетілгендей басқару ісі ертеден-ақ адаммен бірге дамып отырғанын айғақтайды. Егер Шумерлерде жазу, фактілерді тіркеу басқарудың ең алғашқы қадамы болса, Мысырлықтар жоспарлауға, ұйымдастыруға талап қояды. Ал, Ежелгі Шығыс философтары мен Дала өркениетінің ғұлама-ойшылдары ерте дәуірден басшылық пен басқару мәселесіндегі ізгі қарым-қатынас пен бақылаудың қажеттілігін айтып келді. Осы тақырыптағы мәліметтерді ежелгі әдеби шығармалардан кеңінен табуға болады.
