Мәдениет терминінің шығу тарихы

Мәдениет ұғымы алғашқы пайда болған кезде ол адамның табиғатқа ықпал етуін анықтау үшін, яғни оның дүлей күштерін бағындырып, көздеген мақсатына жететіндігін білдіру үшін қолданылады. Әсіресе Мәдениет туралы түсініктің кең қолданылуы 19 ғ-да Мәдениет өрлеу дәуірінде тарихшылар мен этнографтардың еңбектерінде ерекше орын алды. Тіпті сол кезде «Мәдениеттану» деген пән де пайда болды. 

Мәдениет (латын. Cultura - өңдеу, егу деген сөзінен шыққан) – табиғат объектісіндегі адамның әрекеті арқылы жасалатын өзгерістер. Бұл сөзде адам еңбегінің ерекшелігі, оның адамның іс-әрекетімен байланыстылығы, адамның және оның қызметінің бірлігі негізделген. Кейіннен «мәдениет» деген сөз жалпылық маңыз алды, адам жасағанның бәрін де «мәдениет» деп атады. Осы ұғымда мәдениеттің мазмұнды белгілері, түсінігі көрсетілді. Мәдениет – адам жасаған «екінші табиғат». Мәдениет – жеке адамның өмір сүру мақсаты мен құндылық жүйесі, адамның өмір сүрген ортамен қарым-қатынасы.

Әр мемлекеттің,әр халықтың өзінің мәдениеті бар. мәдениет-сананың «жұмысына», рухани қажеттіліктерді қанағаттандыру және рухани құндылықтарды іске асыру үшін оның белсенділігіне байланысты процесс, оның негізінде адамдардың қоршаған болмысы мен өзі туралы белгілі бір көзқарастары, идеялары, ілімдері қалыптасады және қоғамның рухани байлығы мен рухани мәдениетін құрайтын рухани құндылықтар құрылады.