МұхаММед (с а л л а л л а һ у а л ә й һ и у ә с әл л ә м ) 3 Аударған: Ғалымбек Тобашев
жүктеу/скачать 1,98 Mb. Pdf көрінісі
|
| Жүрек төрінен орын алған теңдессіз тұлға Мұхаммед (с.а.с.)
Сухәйл ибн Амр, Хуәйтиб ибн Абдулузза, Микрәз ибн Хафс және айналадағы басқа да құрайыштықтар мұндағы мән-жайды мұқият бақылап тұрды. Шындығында, олардың бойын қорқыныш биледі. Оларға ажалдан мұншалықты тайсалмайтын, жанкешті жандарды жеңу мүмкін еместей көрінді. Өйткені осы уақытқа дейін мұндай жанкешті адамдарды көрген емес. Мыналардың бір-біріне деген бауырластығы тай- палар арасындағы немесе туыстыққа, бауырластыққа ұқсамайды. Сахабалар бейне бір жеке адамдар арасындағы өзара келісіп алғандай іс-әрекеттерімен бір басшыға қалай риясыз мойынсұнып бағыну керектігін, басшының әмірлерін бұлжытпай орындау- ды, жауапты мәселелерде қалай бір-біріне материалдық жағынан болсын, рухани жағынан болсын қолдау көрсету қажеттігін паш ету үшін жарысқа түскендей. Құрайыштықтар осы күнге дейін мүндай ауызбіршілік пен ізгілікті көрген де, естіген де емес. Сондықтан да, елшілер қалай болсын бір мәмілеге келіп, бейбіт келісім жасауды ойластыра бастады. Өзара ақылдаса отырып, мына қауіптен ең аз шығынмен қалай құтылуға бола- тынын жоспарлап, есебін жасай бастады. Арада көп уақыт өтпестен мұсылмандарға қуанышты хабар жетті. Хазірет Осман мен он сахабаның өлтіріліп, шейіт болғаны туралы дақпырттың жалған екендігі белгілі болды. Келісім Суһәйл ибн Амр және жанындағы достары Меккеге қайта оралды. Олар Хұдайбияда көрген- білгендерін түгелдей құрайыштықтарға баяндап берді. Достарының өлтірілгені туралы хабар жеткен бойда барша сахабаның жұдықтай жұмылып, Аллаһ 105 Ұмра сапары және Хұдайбия расулының серт беруге жылдам жиналғанын сөз етті. Олар сахабалардың бар қиындыққа қарамастан соғысудан да тайсалмайтын ержүректігі мен қайтпас қайсарлығын да куә болып, іштей кәдімгідей сескеніп, үрейленгендерін де жасырмады. Мұсылмандардың соғысқа әзірлік жасай бастағанын естіген кейбір пара- сатты құрайыштықтар: – Біз үшін осы жылы мұсылмандарды Бәйтуллаһты тауап етуден бас тартқызып, кері қайтару шартымен Мұхаммедпен бейбіт келісім жасасудан басқа амал жоқ, – деп ойларын айта бастады. – Мұсылмандардың осы жерге дейін келгенін естігендер біздің оларды Бәйтуллаһқа кіргізбей кері қайтарғанымызды да еститін болады. Олар келесі жылы келіп, үш күн бойы осында тұрақтап, құрбандықтарын шалып, кері қайтсын. Осыны ұсынып көрейік. Осылайша, елімізге баса-көктеп кірмей, осы жерде бірнеше күн ғана тұрақтайтын болады, – деп сөзін түйіндеді. Осы ұсыныс құрайыштықтардың көкейіне қонып, Суһәйл ибн Амрдың басшылығында Хуәйтыб пен Микрәзді да жанына қосып, қайтадан мұсылмандарға елші етіп аттандырды. Атқа қонған Суһәйлге: – Мұхаммедпен келісім жаса. Келісімде мұсылмандар биыл Меккеге кірмейді деген шарт болсын. Уаллаһи әйтпесе, ертең-ақ арабтар мұсылмандардың елімізге баса-көктеп кіргені жайлы өсек-аяң тарай бастайды. Біз бұған жол бермейміз, – деген ескертулерін шегелеп тапсырып жатты. Суһәйл мен жанындағы жолдастары қайтадан Хұдайбияға, Аллаһ расулына келді. Олардың келе жатқанын алыстан бақылап тұрған ол: 106 Жүрек төрінен орын алған теңдессіз тұлға Мұхаммед (с.а.с.) – Мыналарды қайтадан жіберуіне қарағанда құрайыштықтар бейбіт мәмілеге келуді қалайтын болса керек, – деді. Пайғамбарымыздың көкейінде үміт оты тұтана бастады, өзінің ішкі қалауы да осы болатын. Өйткені, Мекке мүшріктері мен Хайбардағы яхудилер өзара бас қосып, келісім-шарт жасасып, Мәдинадағы мұсылмандарға қарсы одақтастық келісімін жасасқанын жақсы білетін. Енді міне, тым болмағанда осы дұшпандардың бірімен бейбіт келісім жасасып, белгілі бір деңгейде олардың сағын сынды- ратын мүмкіндігі туып отыр. Осы мүмкіндікті хақ дін Исламды уағыздау жолында ұтымды пайдалана білу керек. Суһәйл жерде малдас құрып отырған Аллаһ елшісінің жанына таяп келіп, өзі де жерге тізе бүгіп отыра кетті. Аббад ибн Бишр және Сәләмә ибн Әсләм ибн Хариш сауыттарын киіп, қару-жарағын асынып алып Аллаһ елшісін күзетіп тұрған болатын. Өзге сахабалар болса айналаны түгел қоршап, үнсіз ғана жағдайды бақылап тұрды. Екі жақтың адамдары ұзақ сөйлесті. Екі жақ та барын салып өз шарттарын айтып, келісімді өз мүдделеріне барынша ыңғайлы етуге тырысып бақты. Кейде бір-біріне дауыс көтере сөйлесе, енді бірде дау- ыстарын бәсеңдетіп сөйледі. Бірде Суһәйлдің дауысын көтере сөйлегеніне шыдай алмаған Аббад ибн Бишр оған: – Аллаһ расулына дауыс көтеріп сөйлеме! – деп ескерту жасап, пайғамбарымыздың алдында әдептілік сақтау қажеттігін ұқтырды. Ұзақ сөйлесіп, ауызша 107 Ұмра сапары және Хұдайбия келісімге келгеннен кейін 29 екі тарап осыны қағазға түсіріп алуға кірісті. жүктеу/скачать 1,98 Mb. Достарыңызбен бөлісу:
|