Ірімшік қосылған кесіліп қуырылған нан. Бидай нанының
батонын қыртысынан тазалап, жұқа тілімдеп кесіңіз, жайпақ
қаңылтыр табаға салыңыз, үгілген ірімшікті себіңіз, ерітілген майды
шашыратыңыз және қуыру шкафында қызартыңыз.
Ет түйірлері. Сиырдың мойын, көгет, жиек етін басты пиязбен
2-3 рет ет тартқыштан өткізіңіз, жұмыртқа, тұз, бұрыш қосыңыз,
жақсылап араластырыңыз, кішкентай шарлар жасап, суда бөктіріңіз.
Мөлдір сорпаны безендіру және кесіліп қуырылған нан, ет түйірлерімен беру. Ет түйірлерін тәрелкелерге салыңыз және
мөлдір сорпаны құйыңыз. Сорпаны сорпа құятын шыны аяққа
құйыңыз, жеке бәліш тәрелкесінде ірімшік қосылған кесіліп
қуырылған нанды беріңіз.
Мөлдір сорпаның сапасына қойылатын талаптар. Сорпаның
сыртқы түрі: бетінде май жылтыры жоқ мөлдір сорпа.
Дәмі күшті сорпасы, шамамен тұздалған. Сорпада еттің және
қуырылған көкөністердің хош иісі болуы керек.
Түсі сары-қоңыр.
Консистенциясы еттің сығып алған заттектерімен бай.
