егін суаруға да жарамды. Таяу жылдар ішінде жерасты суы бұдан да кең
пайдаланылатын болады.
Қазақстанда жер астынан ыстық (термальды) су табу үшін үлкен
барлау жұмыстары жүргізіліп отыр. Термальды жерасты суы өнеркәсіпті,
сондай-ақ үйлерді, жылыжайды, фермаларды және моншаларды жылыту
үшін пайдаланылады.
Республиканың бірталай өңірінде өте тереңінен атқылап, жер бетіне
шығып жатқан емдік қасиеті мол минералды су бұлақтары кездеседі. Олар
температурасы және құрамындағы газдар мен тұздардың түрі жағынан
әртүрлі болып келеді. Алмаарасын, Сарыағаш, Жаркентарасанда адам
ағзасына шипалық әсері бар демалыс орындары, емханалар салынған.
Ғаламшарымызда су мүлде кездеспейтін жер жоқ. Жер қабаттарының
бәрі судан түзілген. Жердің су қабығы гидросфера деп аталады.
Гидросфераның көп бөлігін - 96,5% -ын Дүниежүзілік мұхиттың тұзды
суы, аз бөлігін құрлықтағы және атмосферадағы су құрайды. Бұлар -
өзендер, көлдер, мұздықтар, жер қыртысында - жерасты суы. Атмосферада
су тамшылары мен мұз түйіршіктері болады.
Жердің біртұтас су қабығы - Дүниежүзілік мұхит, құрлықтағы су,
атмосферасындағы су - гидросфераның үш бөлігі. Гидросфераның барлық
бөліктері өзара байланысты. Материктер мен аралдар біртұтас Дүниежүзілік
мұхитты төрт бөлікке - төрт мұхитқа бөледі. Олар: Тынық мұхит, Атлант
мұхиты, Үнді мұхиты, Солтүстік мұзды мұхиты.
Достарыңызбен бөлісу: