АХМЕТОВЕржан (1879. Шығ. Қазақстан обл. Тарбағатай ауд. Шілікті а. - 1967. сонда) -ақын. 1920
- 56 ж. Қытайдың Тарбағатай өңірінде болып, туған жеріне оралған соң жыршылық өнерін
жалғастырып, ел аузындағы жыр, дастандар мен қиссаларды, аңыз әңгімелерді жинаумен
айналысады. Өзінің қысқа өлең-жырларына қоса "Мырзаш батыр" атты елінің бостандығы үшін
күрескен батыр ерлігі туралы көлемді дастан жазған. А. батырлық жырлар мен ақындар айтысын
жинап қазіргі ұрпаққа жеткізуде көп еңбек сіңірді. А. жырлаған "Арқалық батыр", "Бердіқожа
батыр", "Қабанбай батыр", "Бозжігіт", "Бақтияр", т.б. дастандар, "Әсет пен Ырысжанның айтысы" көптеген жинақтарға еніп, ғыл. зерттеулерде пайдаланылды. А. жырлаған, айтып берген ауыз
әдебиетінің үлгілері Әдебиет және өнер ин-тының Қолжазба және текстология бөлімінде сақтаулы.
