ӨНДІРІСТІК ШУЛАРДЫҢ ӘСЕРІНЕН ДАМИТЫН АУРУЛАР (ШУЛЫҚ АУРУ) Өндірістік шулардың әсерінен кейбір (шеге тойтарушылар, қазан жасаушы,
т.б.) мамандық иелерінің есту мүшелерінде тұрақты морфологиялық өзгерістер
туындайды. Бұл өзгерістер
шулық аурудың негізі.
Патологиялық анатомиясы . Өндірістік шулардан ұлулық жүйке сабағының
(
n. cochlearis ) шеткі буынында әртүрлі улағыш заттардың әсеріне тән
дистрофиялық
өзгерістер
өрлейді.
Спиральдық
жүйкелік
түйіндегі
жасушалармен осы түйінді Корти мүшесімен жалғастыратын биполярлы
жасушалардың миелинді талшықтары өзгереді.
Науқас керең болып қалса, ұлудың барлық иірімдеріндегі
спиральдық (Корти) мүшесі семіп, текшепішінді жасушалардан құрылған жайпақ жолаққа
айналады. Ол жолақ вестибулалық жарғақпен бірігіп кетеді. Ұлудың жоғарғы
иірімдеріндегі жүйкелік талшықтар зақымдалмайды, ал ортанғы және негізгі
иірімдеріндегі талшықтар шамалап немесе толық семеді. Соның салдарынан
спиральдық түйін де семіп, кейбір жасушалары ғана сақталады. Вестибулалық
жүйкенің рецепторлық құрылымдары ешқандай өзгерістерге ұшырамайды. Ал,
дыбыстық сүйекшелердің буындары қатайып кетеді. Жойқын қуатты дыбыстар
мен шулар әсер етсе, Корти мүшесі зақымдалып, толық күйрейді, дабыл
жарғақтары жыртылып, құлақтан қан кетеді.
ВИБРАЦИЯНЫҢ ӘСЕРІНЕН ДАМИТЫН АУРУЛАР (ВИБРАЦИЯЛЫҚ АУРУ) Вибрациялық ауру дірілді тербеліс туындататын (вибрациялық) техникамен
жұмыс істейтін адамдарда байқалады. Техниканың бұл тобына кен мен көмірді
бұрғылап, омырғыш пневма-балғалар, металл бұйымдарын соғып, шауып,
металл немесе ағаш бұйымдарын тегістеп өңдейтін, бетонды жолға төселетін
асфальтті тығыздайтын, бағананы қағып қондыратын, тағы басқа да құрал-
жабдықтар жатады.
