Келесі түйінді сөздер мен ұғымдардың мағынасын ашыңыз

1. 
   Генетика пәні жайлы мағлұмат беріңіз.
   
2. 
   Генетиканың негізгі мақсаттары қандай?
   
3. 
   Генетиканың міндеттерін атаңыз.
   
4. 
   Генетиканың даму тарихына қысқаша сипаттама беріңіз.
   
5. 
   Генетиканың негізгі зерттеу әдістері мен тәсілдері қандай?
   

1. 
   Бегімқұл Б. Молекулалық генетика негіздері: оқу құралы/ Б.Бегімқұл. – Астана: Фолиант, 2009. – 331 б.
   
2. 
   Бегімқұл Б. Медициналық генетика негіздері: оқу құралы/ Б.Бегімқұл, С.Төлегенов. – Астана: Фолиант, 2008. - 331 б.
   
3. 
   Берсімбаев Р.І. Генетика: оқу құралы: І бөлім. / Р.І.Берсімбаев, К.Қ.Мұхамбетжанов. - Алматы: Қазақ университеті, 2002. – 167 б.
   
4. 
   Инге-Вечтомов С.Г. Генетика с основами селекции: учебник/ С.Г.Инге-Вечтомов. - М.: Высшая школа, 1989. – 591 c.
   
5. 
   Лобашев М.Е. Генетика: учебное пособие/ М.Е.Лобашев. - ЛГУ, 1967. – 746 c.
   

Жасуша – тіршіліктің негізі, яғни ол тірі материяның құрылымды – функционалдық байланысының универсалды бірлігі болып табылады. Ағылшын ғалымы Роберт Гук 1665 жылы алғаш рет өзі ойлап тапқан микроскоп арқылы тоздың (пробка) жұқа кесіндісінен ұсақ ұяшықтар көрді, сондықтан осы жылды жасушаны зерттеудің бастамасы деп қарауға болды. Ол тоз құрылысының бірдей емес екендігін, оның торшаларға ұқсас өте ұсақ қуыстардан тұратындығын анықтады және сол қуыстарды жасушалар (клетка – латын тілінен .... - ұя, үйшік, тор деген мағанадағы сөз) деп атады. Микроскоптардың жетілдірілуіне сәйкес өсімдіктер мен жауарлар ағзаларының жасушалық құрылысы туралы жаңа мәліметтер жинақталды. 1839 жылы Чехословакия ғалымы Пуркинье жасуша ішіндегі тірі бөлшектерді айқындау үшін цитоплазма деген атауды енгізді. Шамамен сол жылдары немістің екі ғалымы – ботаник М.Шлейден мен зоолог Т.Шванн жасуша туралы жалпы өздерінің шолуларын жасады, ол шолулар кейінірек жасушалық теория (клеткалық теория) деп аталды. Жасушалық теория бойынша барлық жануарлар мен өсімдіктердің денесі жасушалардан тұрады, жасуша – тіршіліктің негізгі бірлігі. 1855 жылы неміс биологы Рудольф Вирхов бірінші рет жаңа жасушалар тек қана өзіне дейінгі жасушалардың бөлінуі нәтижесінде пайда бола алады деген пікір айтты. Жасушалық теория ХІХ ғасырдағы ең ірі ғылыми жаңалықтардың бірі болып табылады. Сонымен қатар ол тірі табиғаттың бәріне ортақ және олардың шығу тегі мен эволюциялық дамуының бір тұтастығын туралы түсінігіміздің негізі болып табылады. Жасушалық теория ұғымына тек жасушаның құрылымдық бірлігі ғана емес, функциялық бірлігі де кіреді. Жасушада тірі ағзаларға тән барлық ерекшеліктер болады. Жасушалық теория жалпы биологиялық мәні бар тұжырымды теориялардың бірі болып есептеледі. Өсімдіктер мен жануарлардың сан алуан жасушалары, тіпті бір ағзаның әртүрлі мүшелерінің жасушаларының өздерінің көлемдері, пішіндері, ішкі құрылыстары жөнінен бірінен-бірі өзгеше болып келеді, бірақ ол жасушалардың бәрінің де бірқатар жалпы ерекшеліктері де бар. Жасушаларды зерттеу үшін жарық микроскоптарының көмегімен көруге болатын тұрақты немесе уақытша препараттар пайдаланылады.