| 7.2. Тығыз қозғалыссыз қабатта кептіру
Дəндерді тығыз қозғалыссыз қабатта кептіру қабатты кептіру
агентімен біржақты немесе реверсті үрлеу арқылы жүргізіледі.
Біржақты үрлеу əдетте, желдеткіш құрылғыларда, сонымен қатар
желдеткіш құрылғылардың көмегімен тікелей қоймаларда
қолданылады. Қабатты реверсивті желдетуді зауыттар мен
цехтардың кептіргіш камераларында жүгерінің гибридін жəне
сорттық дəндерін өңдеуде пайдаланады.
Дəндерді тығыз қозғалыссыз қалың (0,6...3,5 м) қабатта
немесе үйіндіде кептіру кезінде дəндердің ылғалдылығының
бірден төмендеуі бүкіл қимада емес, аймақтар бойында жүреді:
басында үйіндінің кептіру агенті кіретін тұсы кебеді де, аймағы
біртіндеп орташа қабатқа өтеді, бұл қабат кепкеннен кейін,
кептіру аймағы одан əрі жылжи түседі. Кептіру агентімен ұзақ
уақыт жанасу нəтижесінде дəндер қажетті температураға дейін
қыздырылады.
Достарыңызбен бөлісу: | 
