ҚазаҚстан мұсылмандары діни басҚармасы АллАғА мАдАқ (таңдаулы діни өлеңдер) алматы, 2010
жүктеу/скачать 2,13 Mb. Pdf көрінісі
|
Allaga madak
| Игманов Қайрат
Қарағанды облысы, Саран қаласы. әЗ ПАЙғАмбАР мҰХАммЕд (с.ғ.с.) Бисмилләһир-рахманир-рахим! Тура қарап хас шындықтың көзіне, Сезімімді салсам ақыл тезіне. Барлық мақтау айтылуға тиісті, Жаратушы, Хақ тағалам, өзіңе! Иесі, өзің, он сегіз мың ғаламның, Мен де өзіңнің қалауыңмен жаралдым. Бар тілегім - құлың болу сүйікті, Шүкірлікпен тәубә етемін саған мың. Хақтығыңа, пәктігіңе иландым, Нұрландырды кәусәр нұры иманның. Ұлы жиһад мәнін ұғып өзіңнен, Қанағат қып мен нәпсімді тыйғанмын. Жындар менен Адам ата тегіне, Қайырымды жасадың-ау беріле. Нұрды алып шырақ етіп қондырдың, Жаратушым, Адамзаттың төріне. Түре келген қараңғылық түнегін, Адамзатқа айқара ашқан жүрегін. Өміріме мән-мағына сыйлаған, Құл пайғамбар, нұр пайғамбар – тірегім. 195 Таңдаулы діни өлеңдер Мәнін ашқан сенің ұлы сырыңның, Ең абзалы, сүйіктісі құлыңның. Адамзаттың ардақ тұтар тұлғасы, Пайғамбарым Мұхаммед (с.ғ.с.) деп ұғындым. Кей қауымның азғындаған тобыры, Пайғамбарын жалғаншы деп жорыды. Әлемдерге рақым етіп жіберген, Мұхаммедтің (с.ғ.с.) мәртебелі орыны. Жамандықтың бетін келсе қайтарғың, Құранды оқы, айығасың, қайтар мұң. Ол тұп-тұнық хақ рақымын әйгілеп, Адамзатқа көзін ашты кәусардың. Әр сөзінен жүрегіңе нұр тұнар, Нұр тұнар да жақсылыққа ұмтылар. Аллаһ құлы Мұхаммедтің (с.ғ.с.) қолында, «Мейірім» атты сиқырлы бір кілті бар. Сол кілтпенен құлыптарды тот басқан, Ашқан сәтте күй кешеміз шоқ басқан. Көңіліміз тазарған соң жұмсарар, Кеше ғана аумай қалған көк тастан. Толған айдай нұрға толған жан-жағы, Қандай нұрлы екі әлемнің Сардары. Шетсіз, шексіз Ислам дінін теңдессіз, Әлемдегі бар халыққа арнады. «Сөзі менен ісі тура, сенімді, Сөз қисынын тапқан дана, ең ізгі. 196 Аллаға мадақ Бұйрықтарды білдіруші айнытпай, Еш күнәсіз» - сипаттармен көрінді. Тым жұмсақ та, көркем еді мінезі, Мейірімге толы еді жүрегі. Ол келгенде әлем тұтас тебіреніп, Сыпырылды қараңғылық түнегі. Жиырма үш жыл жасағанда елшілік, Көрсетпеді пендеге тән кемшілік. Жарық нұр боп қуандырды көздерді, Жауына да сыйлай біліп кеңшілік. Табылған соң жүрегіне керегі, Адасқандар Хазіретке сенеді. «Әшһәду әл-ләә иләһә иллаллаһ» деп, Соңына оның үмбеті боп ереді. Толғанбасақ, ізденбесек толмаймыз, Үлгі алмасақ кемел адам болмаймыз. Салауат айтып түкпірінен жүректің, Рақым нұры Мұхаммедке (с.ғ.с.) жолдаймыз! Ғибраты мол өнегеңді сағынар, Мұсылманбыз Алла ісіне бағынар. Әз Пайғамбар Мұхаммедке (с.ғ.с.) арналған, Үмбетінің салауатын қабыл ал! |