ТАСБОЛАТ:Апай оны бүгін іле алмаймыз. Себебі.. себебі оларды кеше Еділ үйіне алып кеткен. Бүгін қайта алып келуді ұмытып кетіпті.
МҰҒАЛІМ: Солай деп бірден айтпайсыңдар ма. Бекер уақытты алып. Еділ, көрнекі құралдарды үйге әкетуге болмайтынын білмеуші ме едің?
ЕДІЛ: Кешіріңізші, енді қайталамаймын.. Әй, неге менен көре салдың?
ТАСБОЛАТ:Сен директордың баласысың, саған дым демейді. (Директор келеді) ДИРЕКТОР: Саламатсыңдар ма, оқушылар?
БАЛАЛАР: Саламатсыз ба!(Орындарынан тұрады). ДИРЕКТОР: Гүлзат Болатқызы, қалай оқушылар түгел ме?
МҰҒАЛІМ: Бүгін...тек Жұмақанов Ержан ғана сабаққа келген жоқ.
ДИРЕКТОР: Ол қайда жүр екен, себебін анықтаңыз. Жарайды мен соңғы партаға барып отырайын, сіз сабақ жүргізе беріңіз.
ТАСБОЛАТ: Ырымтай Құлжабайұлы, соңғы қатардан ештеңе естілмейді, мүмкін менің орыныма отырарсыз.
ЕДІЛ: Иә сөйтіңізші.
ДИРЕКТОР: Балам‑ау, то есть Назаров, оның не, тыныш отыр.
МҰҒАЛІМ: Бүгінгі өтетін тақырып, С.Сейфуллиннің поэзиясы.(Қорылдың дауысы естіледі). Қазақтың дәстүрлі қара өлеңімен жастайынан сусындаған Сәкен өз өлеңдерінде.
ДИРЕКТОР: Кім ұйықтап отырған?
ТАСБОЛАТ: Ешкім ұйықтап отырған жоқ.
ДИРЕКТОР: Ал, жаңа қорылдаған кім?
ТАСБОЛАТ: Сайра шығар.
САЙРА: Өтірік мен емеспін. Мен сабақта ұйқтамаймын. Тасболат -жалақор (Жылай бастайды). МҰҒАЛІМ: Ырымтай Құлжабайқызы, балалардың барлығы тыңдап отыр.
ДИРЕКТОР: Солай ма? Кешірім өтінемін, мен қателескен болармын.
МҰҒАЛІМ: С.Сейфуллин өз өлеңдерінде..
(Тағы да қорылдың дауысы естіледі). ДИРЕКТОР: Әне, тыңдаңдаршы. Біреу ұйықтап отыр
ТАСБОЛАТ: (Өзіне назар аудартып) Апай‑апай мен сабақ айтайыншы, мен сабақ айтайыншы. Сәкен Сейфуллин «Ақсақ киік» ‑деген өлеңінде..
МҰҒАЛІМ: Ұланов, мұның не? Рұқсатсыз неге тақтаға шығасың?
