Секілді өмір қЫСҚА, жарты тұтам (Өлеңдер жинағы)

Жақын үшін жан құрбан қылатұғын,
Сендей ұл туа бермес алашыңа.

ОСЫ ДА ƏДІЛДІК ПЕ?
Дүниенің дөңгелегі айналады:
Кімі үстінде гуляйттап жайланады;
Кімі астында езілер саз балшықтай,
Білмеймін түбі неге айналады?
"Үстегіңде не қасиет, астағыда
Не жазық?" деп еріксіз ойланады.
- Үстегімді сындырмаған шөптің басын,
Сонда да тамағы тоқ, киімі асыл;
Жасаулы, зинеттеулі палатада
Қызметкер даяр қылар керек асын.
Он жыл қызмет бір кедей қылып таппас
Қондырған бір жүзікке асыл тасын;
Бір кедей жылдық тамақ етер еді,
Өңдеген бояуына бет пен қасын,
Безенуге, ойынға мал шашумен,
Өткізіп бара жатыр өмір жасын.
Қол жоқ онда жұмысқа, іске тиер,
Жұма сайын бір модалы киім киер.
Сəн - сауықтың бəрі де табылады:
Тек қайсысын көңілі оның сүйер.

Бір қонағы тұрады он мың теңге,
Номерлерге барысы одан кем бе?
Бір түнгі бір əйелге шыққан шығынын,
Түссе де кедей таппас қырық жыл терге
Жолы бос жиһан кезсе тамашалап,
Алдыңда стол, биші қыз, қызыл арақ;
Портвейн, қарта ойыны күн - күн сайын
Іш пысқан соң отыра алмай текке қарап.
Шалқасынан жатса да, құдай берер,
Шашса да кедейлік жоқ оған көрер.
Заводы, фабригі, жер жалынан
Жыл сайын миллион - миллион доход келер.
Астағы жұмыс қылған қолы жаурап,
Жасынан терге жуылып, арқасы аурып.
Жер астының кендерін шығарам деп,
Жөтеледі, онда жоқ денге саулық.
1918

жүктеу/скачать 0,49 Mb.

Достарыңызбен бөлісу: