Т. С. Сарбасова Құнанбаева Д.Ә., Жұмамбаев С. К
Кәсіби менеджердің қалыптасуы
жүктеу/скачать 5,78 Mb. Pdf көрінісі
|
| 1.4. Кәсіби менеджердің қалыптасуы
Білім беру технологиясынан мамандардың сапасы мен олардың болашақ немесе ағымдағы тәжірибелік қызметі тікелей байланы- сты. Білім беру технологиясы болашақ менеджердің кәсіби идео- логиясы мен кәсіби ойлау стереотипі қалыптасу үдерісіне тікелей әсер етеді. Қазіргі кезде тиімді технология ретінде кейстік әдіске негізделген технологиялар аталып жүр. Кейстер әлеуетті менед- жерлерге таңдаған мамандығы бойынша қызмет еткен жағдайда олардың тәжірибелік қызметінде кездесетін нақты жағдайларды мысалға алады. Кейстерді зерттеу мен жете талдау оқушылардың тәжірибені ойлау деңгейінде алуға көмектеседі. Алайда, одан да тиімділігі жоғары технологиялар іздестірілуде. Кейстерге негізделген білім беру технологияларымен шектеліп қалмау керек, себебі кейстер арқылы оқушыларды дайындауда оларға болашақта кездесетін барлық жағдайларды мысал ретінде келтіру мүмкін емес, себебі болашақтың анықталмағандығы мен оқу мерзімінің жеткіліксіздігі кедергі болады. Сонымен қатар за- манауи болып саналатын кейстік технологиялар менеджерлерді дайындауға бағытталған. Бірақ қазіргі кезде кәсіби менеджер- лерді дайындау емес, қалыптастыру үдерісіне назар аударылуы керек. «Менеджерлерді дайындау» ұғымы екі жақты – белсенді, яғни құрушы және белсенді емес, яғни қабылдаушы жақтардың болу- ын талап етеді. «Кәсіби менеджердің қалыптасуы» түсінігі екі жақтың белсенді өзара қатынасының негізінде– оқытушы ретінде де, оқушы ретінде де қалыптасады. Кәсіби немесе тиімді менеджмент «екі китке» негізделген: а) менеджердің таза кәсіби біліміне және ә) оның кәсіби тұлғалық сипаттарына. 14 1.1-сурет. Менеджменттің жалпы теориясы: түсініктемелік блоктарды құрылымдау Білім беру тұжырымдамасы екі негізгі құрауыштан тұру керек: а) тәжірибелік басқарушылық қызметтің кәсіби көрінісін қалыптастыру, сонымен қатар менеджер өзінің кәсіби міндеттерін тиімді орындау бойынша әдістерді, тәсілдерді, кәсіби дағдыларды меңгеру. Белсенділік білім беруші жағында – профессорлар мен 15 оқытушылар, тиісті кітаптар, өмірдің өзінде болады («Өмір- менің ең жақсы ұстазым») ; ә) лауазымдық міндеттерді тиісті атқару үшін менеджердің өзіндік тұлғалық қасиеттерін қалыптастыру немесе дамы- ту. Белсенділікті білім алушылар ұстап тұрады, білім беруші орталықтың міндеті – білім алушыға менеджердің лауазымдық міндеттерін орындауда қандай тұлғалық қасиеттер керектігін сезінуге көмектесу, сонымен қатар қажетті деңгейде өзін-өзі тәрбиелеу, өзін-өзі дамыту бойынша нұсқаулықтар беру болып табылады. Менеджердің өз лауазымдық міндеттерін жүзеге асыру үде- рісінде оның тұлғалық қасиеттері маңызды рөлге ие. Тәжі-рибелік менеджердің кәсіби немесе іскерлік сәттілігі (Іс) оның белгілі бір тұлғалық қасиеттеріне (Тқ), сонымен қатар кәсіби даярлығының (Жкд) жоғары деңгейіне негізделеді: І с = Т қ + Ж кд . Кәсіби маман лауазымдық міндеттерін атқару кезінде оның кәсібилігін анықтайтын тұлғалық қасиеттерін дамытуы керек. Кез келген менеджер белгілі деңгейде билік өкілеттіктеріне ие болады, ал егер ол сол өкілеттіктерін оңтайлы жүзеге асырмаса, оның қол астында қызмет етіп жүрген адамдарының, сондай- ақ онымен басқарылатын ұйымның меншік иелерінің құқықтарын, мүдделері мен мақсаттарын бұзуға алып келеді. Менеджер өзінің лауазымдық міндеттерін жүзеге асыру үде- рісінде келесі кәсіби әрекеттердің – рөлдік функциялардың нақты блоктарын орындауға мәжбүр: 1. Талдау әрекеттер блогы. Менеджер белгілі бір уақыт ке- зеңінде менеджер–талдаушы ретінде қызмет етеді. Талдау қыз- меті ретінде адамға немесе оның кәсіби қызметіне маңызды жағдайларды талдауға сол тұлғаның икемін білдіретін тұрақты дағдыға уақыт өте келе ауысатын өзгеше қабілетті қарастырамыз. жүктеу/скачать 5,78 Mb. Достарыңызбен бөлісу:
|