Музыка тыңдау:
«Ел қорғауға әзірміз»
(К. Қуатбаев).
Музыка тыңдап, қандай әсерде болғандарын сұрап, балалармен сұхбаттасу, әсерлерімен бөлісу.
Музыкалық-ырғақтық қимылдар: «Полька»
(М. Красев).
Музыка тыңдау: «Қыз Жібек» операсынан үзінді (үнтаспа, Е. Брусиловский).
Билер: «Еркебұлан» («Билеп үйренейік» жинағынан).Биді әрі қарай жалғастырып, бірдей қимыл жасауға ұмтылдыру.
Ойындар, хороводтар: «Үйшік» (В. Витлин).
Ойынды еске түсіріп, үйшікте тұратындар біртіндеп өз музыкалары естілгенде шығып, өздеріне тән қимылдарын жасайды.
Музыкалық аспапта ойнау: «Латыш полькасы»
(М. Раухвергер).
|
1.Сауат ашу негіздері
«Қарама-қарсы сөздер» ойыны
Мақсаты: антоним сөздерді салыстыру жолымен балалардың ой-өрісін кеңейту, ойлау қабілетін дамыту, сөздік қорын қарама-қарсы сөздермен молайту, зейінділігін арттыру.
Көрнекілігі: доп, карточкалар.
Ойын шарты: тәрбиеші шеңбер бойымен тұрған балаларға кезекпен допты лақтырып, қандай да бір сөзді айтады, ал допты ұстап алған бала педагогке кері лақтырып, айтылған сөзге қарама-қарсы сөзді айту керек.
Мысалы: үлкен – кішкентай», биік – аласа т.б.
«Бағдаршам» ойыны
Тәрбиешінің қолында үш түсті – жасыл, сары, қызыл дөңгелектер (диаметрі – 10 см) болады. Жасыл түсті көтергенде, балаларға сөйлеп, жүгіріп, шулауға болады. Сары түсті көтергенде, бір-бірімен сыбырласып сөйлеседі, ал қызыл түсті көтергенде, қозғалмай, сөйлемей отырулары керек.
«Сөз ойла, тез ойла» ойыны
Мақсаты: берілген дыбысқа сөз ойлап, сөздегі дауысты, дауыссыз дыбыстарды ажырата білу. Сөздік жұмыс жүргізу арқылы баланың сөздік қорын молайту. Ойын арқылы балаларды тапқырлыққа баулу.
Көрнекі қажетті заттар: дыбыстар (суреттермен) қалтасы, текшелер салынған сандық, текшелер (дыбыстардың дауысты, дауыссыз екендігін білдіретін ерекше белгісі бар).
Ойын барысы: тәрбиеші дыбыс қалтасынан кез келген бір дыбысты айтады. Балалар сол дыбыстан басталатын сөздерді айтады.
Сандыққа бірнеше текше салып қояды. Бала өз қолымен біреуін алып, сол дыбыстан басталатын заттарды айтады.
|
Достарыңызбен бөлісу: |
