Еркін ойын: "Орныңды тап". Мақсат-міндеттері. Жүгіруге жаттықтыру, төзімділікке, шыдамдылыққа тәрбиелеу.
Көркемсөз Шыр-шыр еткен торғайды,
Қорғамасаң, болмайды.
Кіп-кішкене торғайлар
Ағаштарды қорғайды.
Таспен атып торғайды
Ұя бұзған оңбайды.
Құс өкпелеп кетеді,
Бақшамызға қонбайды. (танымдық іс-әрекет, зерттеу іс-әрекеті, дене шынықтыру, қарым-қатынас іс-әрекеті)
Таңертеңгі жаттығу
Сапқа тізілу, оңға бұрылу, алға жүру; алға екі аяқпен секіріп жылжу, жүру және жүгіру (30-40сек), жүру, тыныс алуды қалпына келтіру, бірнеше бағанға қайта тұру.
Жалпы дамыту жаттығуларының кешені.
1. Бастапқы қалып: аяқ арасы алшақ, дене тік, қол төменде.
1.1. Балалар қолдарын алдарына созады, алақандарын ашып-жұмады.
1.2. Бастапқы қалып. (жаттығу 5-6 рет қайталанады).
2. Бастапқы қалып: аяқ арасы алшақ, дене тік, қол көкірек тұсында.
2.1. Оң аяқтарын артқа қояды, екі қолдарын артқа созады.
2.2. Бастапқы қалып (дәл осы жаттығу сол жаққа 4 рет қайталанады).
3. Бастапқы қалып: аяқ арасы бірге, дене бос, қол төменде.
3.1. Өз орындарында тұру, басты оңға бұру.
3.2. Бастапқы қалып (осы жаттығуды сол жаққа 5 рет қайталау).
4. Бастапқы қалып: аяқ арасы алшақ, дене бос, қол көкірек тұсында.
4.1. Қолдарын жандарына созу.
(мәдени-гигиеналық дағдылар, дербес әрекет)
Таңғы ас
Гигиеналық дағдылар Мақсат-міндеттері. Ас ішу құралдарын дұрыс қолдануға дағдыландыру; дұрыс тамақтану мәдениетіне баулу, тамақты асықпай шайнау, үстел басында өздерін әдепті ұстауды, нан қиқымын жерге түсірмей жеуді, үлкендерге алғыс айтуды үйрету.
Көркемсөз Ө.Тұрманжанов "Нан".
Нан – ардақты адал ас,
Кәрі, жас одан аттамас.
Ақ дастарқан үстінде,
Қол жумай оны ұстамас.
Нан қоқымын шашпаңдар,
Жерде жатса баспаңдар,
Теріп алып, қастерлеп,
Торғайларға тастаңдар. (мәдени-гигиеналық дағдылар, қарым-қатынас іс-әрекеті)
