Тірі болсам, хан баласында қазақтың хақысы бар еді, қазаққа қызмет қылмай қоймаймын!

жүктеу/скачать 15,39 Mb.

Pdf көрінісі

бет	88/150
Дата	25.01.2023
өлшемі	15,39 Mb.
	#62967

1 ... 84 85 86 87 88 89 90 91 ... 150

Байланысты:
e0be8266bf1c310cf368d6fe2d998af0

34. Шал мен ажал
Отынды кесіп, жарып шал арқалап жүрді. Отын апара-
тын үйі алыста еді. Шаршап, дымы құрып шал болдырды.
Арқасынан отынды түсіріп қойып, шал: «Қандай жақсы бо-
лар еді, ажал келсе?» деді. Кірпік қаққандай болған жоқ, жетіп
келе, ажал: «Саған не керек? Міне мен!» деді. Сонда шал шо-
шып кетіп: «Маған бір арқа отынды көтерсем болады» деді.
35. Арыстан мен түлкі
Қартайған арыстан аң алудан қалды, қарекетті амалмен
қылмақ болды: үңгірге кіріп, өтірік ауырған болып жатты. Ауру
арыстанның көңілін сұрай аңдар келді. Үңгірге кіргенін арыстан
ұстап алып жеп қоятын болды. Түлкі үңгірдің аузына келіп,
арыстанның амалын біле қойып: «Арыстаным, қалайсың?» деп,
көңілін сұрады. Сонда арыстан: «Жаманмын, сен неге мұнда
кірмейсің?» деді. «Кірген ізге қарасам, кіргені көп, шыққаны
жоқ, сонымен кірмей тұрмын» деді.
36. Бұғы мен мейіз ағашы
Мейіз ағашына аңшыдан қорғалап бұғы жасырынды.
Тұсынан аңшылар өткен соң мейіз ағашының жапырағын бұғы
жей бастады.
Жапырақтың сылдыры аңшыларға естілді. «Мұнда жапырақ
жабылған аң бар-ау?» деп, бұлар ойлады да, мылтықты атып
қалып, бұғыны жаралады, сонда бұғы өліп бара жатып: «Менің
өзімде де бар, өзімді қорғаған жапырақты жедім ғой» деді.
37. Мысық пен тышқан
Бір үйде тышқан қаптап кетті. Үйге мысық келіп, тышқанның
сыбағасын берді. Жаманға істің айналғанын тышқан көрді.

226
Сонда бір ақылды тышқан тұрып, «Кел, тышқан бауырларым,
үйдің үстінен түспелік, сонда бізге мысық келе алмайды» деді.
Жоғарыдан тышқандар түспеген соң, бұларды алдауға мысық
та ой ойлады. Бір аяғыменен үйдің төбе ағашына ілініп тұрып,
өтірік өліп салбырады. Салбыраған мысықты бір тышқан көрді
де: «Салбырамақтан бидай салған қап болсаң да, саған барма-
дым өй!» деді.

жүктеу/скачать 15,39 Mb.

Достарыңызбен бөлісу:

1 ... 84 85 86 87 88 89 90 91 ... 150