Аналитикалық химияда ыдыстың тазалығы өте маңызды болып табылады. Сондықтан химиялық лабораторияда ыдысты жууға көп көңіл бөлінеді. Бұл аналитикалық жұмыс техникасының өте маңызды бөлімі.
Егерде ыдыстың ішінде ешқандай тамшы және кір байқалмаса, ыдысты абсолютті түрде таза деп атауға болады.
Ыдыс жуу ерекше дағдыны талап етеді. Ыдыстарды жұмыс жүргізіп болғаннан соң бірден жуу керек.
Ыдысты жуу механикалық, физикалық және химиялық болып бөлінеді. Алғашқы екі тәсілде кірді щетка және ертіндімен жуады. Химиялық әдістер ластанған заттармен реакцияласып, оларды ерітіп сумен оңай жуылатын жағдайға келтіреді.
