Мемлекеттік рәміздер ұлттық мақтанышым
жүктеу/скачать 21,54 Kb.
|
|
Мемлекеттік рәміздер – ұлттық мақтанышым Тақырыбы: «Мемлекеттік рәміздер – ұлттық мақтанышымыз» Тәрбие сағатының мақсаты: Білімділігі: Елімізді дүниежүзіне таныта білген мемлекеттік рәміздер туралы білімдерін жан-жақты дамыту, әрбір бөлшегіндегі ұлтты символиканы ұғындыру, оларға мемлекеттік белгілердің аса маңыздылығын, оны ерекше құрметтеп, мақтан тұту керектігін түсіндіру; Тәрбиелілігі: Оқушыларды ұлтжандылыққа, өз елін, жерін, атамекенін сүюге тәрбиелеу, елі үшін мақтаныш сезімін бойларына ұялату; Дамытушылығы : Ой-өрісін, танымдық қабілетін, жеке дара тұлға ретінде дамыту. Оқушыларға тәуелсіздік жайлы жан-жақты түсінік бере отырып, олардың ой-өрісін, ақыл-ойын арттыру. Тәрбие сағатының көрнекілігі: 1. Қазақстан Республикасының мемлекеттік рәміздері: Туы, Елтаңбасы, Әнұраны, Н.Ә. Назарбаевтың портреті. 2. Нақыл сөздер жазылған плакаттар. 3. Шарлар, гүлдер, музыкамен жабдықталған. Әнұран Диана Бүгінгі тәрбие сағатымызды Елбасымыз Н.Ә.Назарбаевтың мына сөздерімен бастауды жөн көрдік: : «Мемлекеттік рәміздер –еліміздің егемендігі мен тәуелсіздігін паш ететін нышандар. Бұл рәміздер біздің мемлектіміздің өткені, бүгіні мен болашағы арасындағы сабақтастықтың жарқын бейнесі.Мемлекеттік рәміздер- халқымыздың рухын, ұлттық салт-санасын, қаһармандығы мен даналығын, болашаққа үмітін, арман-тілегін жеткізетін ерекше құнды белгілер. Желбіреген аспан түстес байрағымыз халқымыздың арманын асқақтатып, қыран бүркіттей елімізді аспан әлемінде қалықтатып тұр» деп атап көрсетті. Ернұр Осындай кең-байтақ жерге ие жас, егеменді еліміздің өзге елдердегідей өз «іңгәсі» бар. Ол- көтерген Туы мен Елтаңбасы, асқақтата әуелеткен Әнұраны. Еркіндікке ұмтылған қай ел, қай халық та өз даусымен сөйлеуді, өз үнімен жар салуды армандайды. ҚР-ның Ата заңының 9-бабында « Қазақстан Республикасының мемлекеттік рәміздері- Туы, Елтаңбасы және Гимні бар,»- делінген. Диана Біздер тәуелсіз қазақ елінің ең жас ұландарымыз. Сондықтан өз жерімізді, өз елімізді әкелер мен аталарымыз сияқты қадірлеуге,сүюге қорғауға тиіс екенімізді естен шығармайық. Ернұр Отан –жерім,Отан - суым, Отан қуат, нәр береді.. Отан - ұран, Отан - туым, Отан мәңгі гүлденеді – демекші, тәуелсіздігіміз тұғырлы болып, еліміздің символы –мемлекеттік рәміздерді қастерлеп, құрметтеу бәріміздің міндетті парызымыз болып саналады. Диана Мемлекеттік рәміздердің белгілері туралы айтамыз, ал сендер қай белгі туралы екенін анықтайсыңдар. 1.Төлқұжатта, туу туралы куәлікте, орта білім туралы аттестатта құжаттарда бейнеленген ........... (Елтаңба) 2.Президент резиденциясында, Үкімет үйінде ілулі тұрады. Барлық мекемелерде бар. ........... (Ту) 3.Республика,облыс, аудан көлеміндегі маңызды салтанатты мәжілістерде орындалады. ........... (Әнұран) Рәміздер туралы оқушылардың пікірлеріне кезек берейік 1-оқушы: Әрбір азат елдің өзіңнің тәуелсіздігін білдіретін басты белгілері болады.Солардың бірі мемлекеттік рәміздер.1992 жылы 4 маусымда егемен еліміз Қазақстан Республикасының мемлекеттік рәміздері қабылданды.Олар Қазақстан Республикасының гимні, Қазақстан Республикасының мемлекеттік елтаңбасы,Қазақстан Республикасының туы. 2-оқушы: ҚР-ның Ата заңының 9-бабында « Қазақстан Республикасының мемлекеттік рәміздері- Туы, Елтаңбасы және Гимні бар,»- делінген.Сондай-ақ осы заңның 34- бап, 2-тармағында « Әркім Республиканың мемлекеттік нышандарын құрметтеуге міндетті,»- делінген. Олай болса өз еліміздің мемлекеттік рәміздеріне тоқталып өтейік. 3-оқушы: Рәмізім-елдігімнің белгісі, Білу керек бала дағы ең кіші. Рәміздерім-әнұран, ту, елтаңба, Рәміздерді жатқа білген жөн кісі. Номер Ернұр Әнұран мәтінінде ғасырлар бойы тәуелсіздік үшін күрескен бабалар ерлігі көрініс табады.Сонымен қатар асыл мұрамыз- еліміздің кең байтақтығы,жер мен ел байлығы ,біздің ұрпақтарымыздың болашағына айқын жол ашатыны көрініс тапқан.Ең бастысы-тәуелсіздігіміздің алтын діңгегі-ел бірлігі баса айтылған.Әнұран 2006 жылы 7 қаңтарда Қазақстан Республикасының жаңа Әнұраны қабылданды.Шәмші Қалдаяқовтың «Менің Қазақстаным» әні Қазақстан Республикасының Әнұраны деп жарияланды.Кезінде Жұмекен Нәжімеденов жазған ән сөзіне Елбасы Нұрсұлтан Назарбаевтың бастамасымен кейбір түзетулер енгізілді.Әнұран авторлары: Шәмші Қалдаяқов,Жұмекен Нәжімеденов ,Нұрсұлтан Назарбаев . Диана Әнұран салтанатты жиналыстарда, мәжілістерде, жаңа ғимараттар, ескерткіштер ашылғанда орындалады. Әнұранды орындағанда міндетті түрде тұрып,қолыңды жүрек тұсына қойып айту елге құрмет болып саналады. Тақпақтарға берейік 1 Жаңылсын Әнұраным –жан ұраным Айтар әнім, сөйлер сөзім Туған жерім сағынарым Бақыт-бірлік күн талабы. Тоқтамайды дабыр әні Мәңгі бақи шырқалады Республикам Әнұраны! 2 Тілеген Барша халық таныған Біздің үміт, тілекті. Шырқалғанда әнұран Шаттық кернер жүректі 4 Жансая Жеңіс туын көтерген Жарыстарда сан қилы, Жетіп бізге шетелден Көкке әнұран шалқиды. 5 Бақытжан Шәмші атаның сазды үні Жігер беріп қайратты, Бәрімізді мәз қылып, Жаңғыртады аймақты. Нөмір Арма Диана Мемлекеттік туымыз бірыңғай көгілдір түсті.Бұл түс төбедегі бұлтсыз ашық аспанды елестетеді.Бұлтсыз ашық аспан әрқашан да бейбітшіліктің, тыныштық пен жақсылықтың нышаны.Көк түс –Қазақстан халқының бірлік,ынтымақ жолына адалдығын білдіреді.Нұрға малынған алтын күн тыныштық пен байлықты бейнелейді.Күн –қозғалыс , даму,өсіп- өркендеудің ,өмірдің бейнесі. Қанатың жайған қыран құс –бар нәрсенің бастауындай,билік,айбындылық бейнесі.Күннің астындағы қалықтаған қыран елдің еркіндік сүйгіш асқақ рухын,қазақ халқының жан дүниесінің кеңдігін жария етеді.Ағаш сабына бекітілген тұстағы тік жолақ ұлттық оюлармен өрнектелген.Күн, қыран,ою -өрнек — алтын түсті. Қазақстан Республикасы мемлекеттік туының авторы- суретші Шәкен Ниязбеков. 1 Баян Қазақстан Туы Көк аспандай көкпеңбек Қазақстан жалауы. Көк емес ол тектен-тек Елдің ашық қабығы. Ақ ниеті – алтын күн, Асқақ арман-қыраны. Жалауы бұл-халқымның 2 Есет Айнымайды аспаннан Біздің тудың болуы Оны халық қашанда Биікке іліп қояды. 3 Берекет Жанатын да өзі отша Жалын шарпып бетіңді Туымыз да қазақша Сөйлеп тұрған секілді 4 Самат Матасы қандай, матасы-көк түстерден таңдалған, Қазақтың ою-өрнегі, қыраны және самғаған. Күн күлімдеп әлемге төгіп тұрған арай нұр, Туымды менің көргендер қызыға қарап таңданған. Нөмір хор Ернұр Елтаңба негізі –Шаңырақ . Ол елтаңбаның жүрегі.Шаңырақ мемлекеттің түп негізі — отбасының бейнесі.Шаңырақ- күн шеңбері .Айналған күн шеңберінің қозғалыстағы суреті іспетті.Шаңырақ- киіз үйдің күмбезі.Көшпелі түркілер үшін үйдің ,ошақтың, отбасының бейнесі.Тұлпар –дала дүлдүлі,ер-азаматтың сәйгүлігі,жеңіске деген жасымас жігердің ,қажымас қайраттың ,мұқалмас қажырдың тәуелсіздікке ұмтылған құлшыныс бейнесі.Шаңырақ айналасындағы уықтарды тұлпардың қанаты қоршап тұр.Қанатты тұлпар қазақ поэзиясында кең тараған бейне.Қанатты тұлпар уақыт пен кеңістікті біріктіреді.Ол -өлмес өмірдің бейнесі.Бесбұрышты жұлдыз «бағыңыз ашылып,жұлдызыңыз жарқырай берсін»деген асыл тілекті айқындап тұр.«Қазақстан» жазуы қазақ елінің айғағы.Елтаңбаның авторлары- Ж.Мәлібеков,Ш.Уәлиханов. 1 Алфия Мәртебесі, мақтаны. Елтаңбасы елімнің Елтаңбасы елімнің Неткен әйбәт, әдемі! Тұнығындай көңілдің Ортада-аспан әлемі. Құт, береке, шаңырақ, Орын алған ол төрден. Азамат Қанатты қос арғымақ. Екі жақтан көмкеркен. Тәуелсіздік жолында Талай-талай тер тамған… Билігім өз қолымда, Еркіндігім-Елтаңбам. 2 Айдана Қазақстан дейтін менің бар елім, Жатыр алып жарты дүние әлемін! Бұл даланы анам жаспен суарған, Бұл далада атам қолға ту алған. Бұл далаға жылап келіп, уанғам, Бұл даланы көріп алғаш қуанғам, Бұл далада өскен жанда жоқ арман! 3 Ақмарал Кең байтақ қой Қазақстан картасы, Астанамен айшықталған ортасы. Бүгін бізге таңдай қағар күллі әлем, Бұның бәрі Елбасының арқасы. 4 Дариға Шықты тарап ой-данадан, Бері қарап жұлдыз беті. Өзі қалап сайлап алған, Елімнің бар Президенті 5 О.Айдана Оянады көңілден қайдағы арман, Бақыт желі ескендей жайлап алған. Президентім бар менің елі түгел, Ақ киізге көтеріп сайлап алған. 6 Ринат Қатар шапқан қос тұлпар, Ай астында қазақ үй Қалықтаған жас сұңқар, Шарықтаған таза күй. Бұл таңбасы елімнің, Елдігімнің белгісі. 7 Ермұхан Бейнелеп сан ғасырды Елтаңбасы елімнің, Таратады хас үлгі Киесіндей жерімнің. 8 Мейрамбек Бабам тұлпар жаратты, Құлынында танып-ақ. Тұлпар барда қанатты, Шайқалмайды шаңырақ. 9 Райымбек Тәуелсіздік көркі ол да, Өркениет өрінде. Нұр төгеді елтаңба Ақ орданың төрінде. Қорытынды Диана Тәуелсіз Қазақстан – ұлы Отаным, Көк туымды қалайша құлатармын. Тып-тыныш тұрып жатқан жайымыз бар, Бәріміз баласындай бір атаның. Ернұр Шарықта, шарла көкті көк Байрағым, Арманым, Азаттығым, көпке айғағым. Мен сенің салтанатты сағатыңа, Өлеңмен алтын шашақ шоқ байладым. Диана Ал самға әлем кезіп, Әнұраным, Қалықта Елтаңбасы – шаңырағым. Көк Байрақ, көгерт менің көсегемді, Аспандат Атам қазақ Аруағын! Ернұр Еліміз әрқашанда тыныш болсын! Еліміздің Егемендігі жасасын! Қазақстан Республикасы Туымен тұғырлы, Елтаңбасымен елеулі, Әнұранымен айбатты бола берсін ,– деп сынып сағатымызды аяқтаймыз. жүктеу/скачать 21,54 Kb. Достарыңызбен бөлісу:
|